@toplumtv: İqtisadiyyat nazirinin müavini Azər Bayramov bildirib ki, Azərbaycanda vergilərin 93 faizi könüllü şəkildə ödənilir. APA-nın məlumatına görə, o, bunu Milli Məclisin bir neçə komitəsinin birgə iclasında deyib. Nazir müavininin sözlərinə görə, 2018-ci ildən bəri fəal vergi ödəyicilərinin sayı iki, əlavə dəyər vergisi ödəyicilərinin sayı isə 3,5 dəfə artıb. Bayramov bildirib ki, qeyri-neft-qaz özəl sektorunda əmək müqavilələrinin sayı da təxminən iki dəfə artıb: “Qeyri-neft-qaz özəl sektorunda əmək müqavilələrinin sayı təxminən iki dəfə artaraq ümumi müqavilələrin 56,5 faizinə çatıb. Bu, həm də vətəndaşların sosial sığorta və pensiya təminatının genişlənməsi deməkdir”. Nazir müavininin açıqlaması vergi güzəştlərinin mərhələli şəkildə azaldıldığı dövrə təsadüf edir. 2026-cı ildən özəl sektorda çalışanlar üçün yeddi illik gəlir vergisi güzəşti ləğv edilib. Həmin il vergi uçotunda olmadan sahibkarlıq fəaliyyəti göstərməyə görə maliyyə sanksiyası da 40 manatdan 200 manata qaldırılıb. 2026-cı ilin ilk yeddi ayında iqtisadi artım 1,4 faiz olduğu halda, yanvar-avqust aylarında vergi daxilolmaları əvvəlki ilin eyni dövrü ilə müqayisədə 9,2 faiz artıb. Müstəqil iqtisadçılar vergi və rüsumların artırılmasının biznes fəallığına mənfi təsir göstərə biləcəyini bildirirlər. Bəs siz vergiləri məcburiyyətdən, yoxsa könüllü ödəyirsiniz?

Toplum TV

Open In TikTok:

Region: AZ

Wednesday 11 November 2026 09:24:06 GMT