@drahmedemara: ترى كام شخص بيدعي ربنا، أو بيسأل: ليه بيحصلي كدة؟ إزاي أخرج من دا؟
ويكون صادق بجد
.
فيكون استجابة ربنا إنه يبعتله فيديو، نصيحة من صديق، أو بوست يكون طرف خيط لو مشي وراه يطلعه من اللي هو فيه، لأن احنا جايين نسعى، مش ربنا اللي هيسعى لينا
ساعتها بيقفز الشيطان بسرعة ويوسوس له، خلي بالك دي تنمية بشرية، دا هبد، يقوم صاحبنا المسكين مصدق الشيطان ويبتعد عن إدراك الرسالة، فيستمر في العذاب الذي حتما سيتصاعد طالما جاله رسول!
(وما كنا معذبين حتى نبعث رسولا)
.
ويوم بعد يوم عمال يسأل، ويدعي، وربنا أصلا استجاب له وهو لم يدرك لأنه اتبع شياطين الإنس والجن ولم يتبين حتى أو يتأكد
لهذا نهانا الله عن الأحكام، وسوء الظن، لأنه من أسوأ الإثم اللي بيضيع حياة ناس كتير جدا جدا
(يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ) لاحظ أن النهي الذي جاء مع الإثم هو نفس النهي الذي جاء مع الخمر (اجتنبوا) لأن الإثم من المحرمات القرآنية الخطيرة
بل هو ثاني محرم بعد الفواحش
(قلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالْإِثْمَ)
.
ادعي ربنا يرزقك نعمة التبين، واعلم أن (مع العسر يسرى) ومن لم يتدرب على التبين هو اللي مش بيشوف اليسر وسط العسر
اليسر ممكن يبدأ بفكرة، بمعلومة، بتفصيلة تظهر أمامك لكنك لم تقرأ الرسالة ولم تنتبه أنها رسول
لكن وعيك سيتشوه لو ظللت تستقي معلوماتك من ناس كل حياتها ماشية بالغيبة والنميمة والهمز واللمز والسخرية وكلها صدقني نواهي قرآنية خطيرة
.
عمرك تخيلت إن الآيات دي ممكن تكون بتتكلم عن الموضوع دا؟ إن ربنا يبعتلك رسالات ورسل وإنت غافل ومش واخد بالك؟ مخمخ فيها بهدوء
(يَا حَسْرَةً عَلَى الْعِبَادِ ۚ مَا يَأْتِيهِمْ مِنْ رَسُولٍ إِلَّا كَانُوا بِهِ يَسْتَهْزِئُونَ)
تخيل كم رسول ممكن يكون جالك، بفيديو، أو شخص، أو مقالة، أو حد من صحابك عشان ينبهك وأنت بدأت بالاستهزاء، أو شفت ناس بتعمل فيديوهات بتستزئ به؟!! لأن الشيطان أوهم الناس أن الرسل هم أصحاب الرسالات فقط!! مع أن الرسل تأتيك يوميا لينبهك الله ويرشدك للطريق
.
ثم اسأل نفسك بصدق، هل السخرية والاستهزاء والغيبة والنميمة والتنابذ بالألقاب هذه سلوكيات شخص مؤمن أم شخص آخر تحدث عنه القرآن كثيرا جدا لكنهم أوهموك أن القرآن كتاب تاريخ ولا يتكلم عن الحاضر؟
فكر بهدوء وتبين ونية صادقة
.
اجعل التبين وسيلتك التي أمرك الله بها، تبين وطبق وجرب فربما ما تركته يوما كان هو إجابة دعائك وأنت لم تدري
جعل الله كل أيامك جنات ونعيم دوما
