@wad.ahmed1: الحاجة لما تطلع من النفس تاني ما بتكون سمحة مهما كانت غالية عليك.. حقيقي الجملة دي مؤلمة جدًا، لأنو نحن ما بنفقد الحاجة ذاتها، بنفقد إحساسنا ناحيتها وفرق كبير جدًا بين الإتنين..! في حاجات كنا بنحبها شديد ومتعلقين بيها جدًا، ناس، أماكن، مسجات بسيطة بتفرحنا، لكن مع الأيام تعب، خذلان، إنكسار... كل حاجة بتطفي الحماس جوانا، لحدي ما الحاجة الكانت يوم من الأيام غالية عندنا بقت عادية شديد ! معروف إنو أقسى شعور ممكن يمر على الواحد، إنو يحس قلبه بقى بارد إتجاه حاجة كان مستعد يعمل المستحيل عشانها.. زمان كان مستعد إنو ينتظر، يسامح، يبرر، يتمسك، يحاول ألف مرة، وهسي؟! بقى ساكت لا عنده رغبة إنو يشرح، لا يستمر حتى الزعل ما عنده، وصل مرحلة من اللامبالاة ودي أخطر من الزعل بمراحل، لأنو الزعلان عنده إحساس واللامبالاة بقول ليك: "ما فارقة" وما تعب خلاص ! في ناس كتار بفتكروا إنو البعاد بجي فجأة، لكن الحقيقة إنو أي مشاعر بتنتهي بالتدريج، إنك في كل مرة بتدي، بتستحمل، بتسكت، لحدي ما يجي يوم وتلقى نفسك تعبت، تعب بخليك ساكت وما عاوز تتكلم وهنا الحاجة بتبدأ تطلع من نفسك.. ما بتطلع عشان إنت بطلت تحبها.. لا بتطلع عشان قلبك بقى ما قادر يستحمل أكثر من كدا! بتطلع عشان إنت حاولت كتير! لين ما الحاجة الكانت جزء من سعادتك بقت جزء من وجعك وتجي الناس تقول ليك: "دي حاجة كنت بتحبها شديد كيف قدرت تبعد"؟ وإنت بجواك بتقول "أنا ما بعدت، أنا انكسرت لحدي ما بقيت ما قادر أقرب"!! وأصعب حاجة الناس بتفتكر إنو الزول الاتغير هو الغلطان، لكن هم ما شافوا كمية الحروب الجواه قبل ما يسكت.. ما شافوا عدد الليالي الكان فيها زعلان وساكت.. ما شافوا كيف كان بحاول يحافظ على الحاجة دي بكل قلبه، بكل ما عنده قبل ما يقرر يبعد بإحساس ميت💔! الحياة علمتنا إنو نتقبل الفكرة وتعرف إنو ما كل حاجة بنحبها مفروض تكمل معانا ولا كل حاجة سمحة ح تفضل سمحة للأبد.. وفي النهاية، ما كل نهاية معناها كره... بعض النهايات معناها إنو القلب إكتفى من الوجع، الألم والضياع

Wad Ahmed

Open In TikTok:

Region: SD

Wednesday 11 November 2026 13:56:35 GMT