@mohameddarwishlawyer: هو المستأجر القديم كان المستفيد الوحيد؟ طب وتسهيلات مواد البناء اللي كانت موجودة وقتها؟ المادة ٧٠ من قانون الإيجار القديم رقم ٤٩ لسنة ١٩٧٧ كانت بتدي الأولوية للإسكان المخصّص للتأجير في الحصول على مواد البناء، وبتقيّد استفادة البناء المرخّص للتمليك من التسهيلات دي، مع استثناءات محددة. طب الفرق كان قد إيه؟ بين ١٩٧٦ و١٩٧٨، طن الأسمنت كان بـ١٨ جنيه بالسعر الرسمي مقابل ٤٥ جنيه في السوق السودا. وطن الحديد كان بـ١٥٠ جنيه رسمي مقابل ١٩٠ جنيه. يعني لو حسبناها على ١٠٠ طن أسمنت، الفرق كان ٢٧٠٠ جنيه من الأسمنت بس. وعشان نعرف إذا كانت عمارة بعينها استفادت من التسهيلات، لازم نراجع ترخيصها ومستنداتها. وفي الريل بكمل كلامي عن خلو الرجل، وليه بعض الناس كانت بتختار الإيجار في مكان مميز بدل ما تستنى شقة تمليك لسه بتتبني. وموقفي واضح. أنا مع زيادة الأجرة بشكل عادل، واعتراضي على الإخلاء بعد عشرات السنين، سواء لأسرة عايشة في بيتها أو لشركة شغّالة من نفس المكان وفاتحة بيوت ناس. روابط المصادر وأرقام الصفحات في التعليقات. #الإيجار_القديم #قانون_الإيجار_القديم #مواد_البناء #خلو_الرجل #المالك_والمستأجر

Mohamed Darwish Lawyer

Open In TikTok:

Region: AE

Wednesday 11 November 2026 14:31:25 GMT