@lawanga15: ملک د پښتو دی چې د سوي زړګي حال نه وايم خو چاته هم مبارکي د نوي کال نه وايم / څوک به د چا په سړيتوب له خپله پيره تېر شي؟ که ته سړی شوې، زه شعرونه د خوشال نه وايم / زه پاکستان ته د قامونو ګلدسته نه وايم زه دې رنګونو ته هرګز د بوډۍ ټال نه وايم / لفظونه سم کاروم، سم ساتم حساب د تاريخ زه غلامۍ ته د حقونو استحصال نه وايم / د کور خبرې د پنجاب په اخبارونو کې کړې تا به غدار نه ګڼم، تاته به دلال نه وايم؟ / قام پرست هغه دی چې غواړي آزادي د وطن زه قام پرست چاته د لاس په سره دسمال نه وايم / چې نيم وطن يې بېرته جوړه خپله برخه نه شي د نيم وطن نيمې بريا ته استقلال نه وايم / د مېرانشا د نړېدلي ښار تصوير درلېږم نور درته هيڅ هم د ننګونو د زوال نه وايم / چې ښځه ونه ګڼې داسې لکه ځان چې ګڼې زه درته کله هم سړی نه وايم، سيال نه وايم / کمال به دا وي چې نصاب پکې پښتون کړې کله د مکتبونو جوړولو ته کمال نه وايم / ما يې ليدلي دي په مځکه کې ژورې رېښې چې شاعرۍ ته کله هم اسماني خيال نه وايم / دا په وطن کې د مُلا د فکر لارې تړم هسې سندرې خو د نجونو د جمال نه وايم

lawanga

Open In TikTok:

Region: PK

Wednesday 11 November 2026 18:06:02 GMT