@aqelanjum0: اصل مسلمان وہ نہیں جو لمبی نماز پڑھ کر لوگوں کو دکھائے، بلکہ وہ ہے جس کی زبان اور ہاتھ سے دوسروں کو تکلیف نہ پہنچے۔ (سورۃ الماعون: ہلاکت ہے ان نمازیوں کے لیے جو دکھاوا کرتے ہیں) 2. ہاتھ میں تسبیح اور دل میں ظلم ہو تو یہ عبادت نہیں، دکھاوا ہے۔ اللہ نیت دیکھتا ہے، تصویر نہیں۔ 3. ایک انسان کی جان بچانا پوری انسانیت کو بچانے کے برابر ہے۔ (سورۃ المائدہ 5:32) جس دین میں انسان کی اتنی قدر ہو، اس کے ماننے والے انسانوں کو کیسے حقیر سمجھ سکتے ہیں؟ 4. اللہ کے نزدیک سب سے زیادہ عزت والا وہ ہے جو سب سے زیادہ پرہیزگار ہے، نہ کہ وہ جس کا لباس، نسل یا مسلک اونچا ہو۔ (سورۃ الحجرات 49:13) 5. نیکی صرف منہ مشرق یا مغرب کی طرف کرنا نہیں۔ نیکی یہ ہے کہ یتیم، مسکین اور مسافر کا ہاتھ تھاما جائے، وعدہ پورا کیا جائے اور مصیبت میں صبر کیا جائے۔ (سورۃ البقرہ 2:177) 6. بھوکے کو کھانا کھلاؤ اور کسی سے شکریے کی امید بھی نہ رکھو۔ یہ ہے اصل ایمان۔ (سورۃ الدہر 76:8 سے 9) 7. جو اپنے رب سے ملنے کی امید رکھتا ہے وہ نیک عمل کرے اور عبادت میں کسی کو شریک نہ کرے۔ دکھاوا بھی ایک چھپا ہوا شرک ہے۔ (سورۃ الکہف 18:110)
