@workerswelfarefund_wwf: گورنر سندھ سید محمد نہال ہاشمی سے سیکرٹری ورکرز ویلفیئر فنڈ کی خصوصی ملاقات گورنر سندھ جناب سید محمد نہال ہاشمی کے دورۂ اسلام آباد کے موقع پر سیکرٹری ورکرز ویلفیئر فنڈ جناب ذوالفقار احمد نے ان سے خصوصی ملاقات کی۔ اس موقع پر DG(Works) ورکرز ویلفیئر فنڈ جناب عبدالسلام شیخ بھی ان کے ہمراہ تھے۔ ملاقات کے دوران سیکرٹری ورکرز ویلفیئر فنڈ نے گورنر سندھ کو ادارے کی کارکردگی، جاری منصوبوں اور صنعتی کارکنوں و ان کے اہلِ خانہ کو فراہم کی جانے والی فلاحی سہولیات، بالخصوص تعلیم، صحت، رہائش اور مالی معاونت کے حوالے سے تفصیلی بریفنگ دی۔ اس موقع پر گورنر سندھ جناب سید محمد نہال ہاشمی نے ڈائریکٹر جنرل انٹرنیشنل لیبر آرگنائزیشن (ILO) کے حالیہ دورۂ پاکستان اور کراچی کے دورے کو سراہتے ہوئے سیکرٹری ورکرز ویلفیئر فنڈ کو مبارکباد پیش کی۔ انہوں نے کہا کہ وفاقی وزیر برائے سمندر پار پاکستانی و انسانی وسائل کی ترقی چوہدری سالک حسین کی خصوصی کاوشوں اور مؤثر سفارتی و حکومتی اقدامات کے نتیجے میں 28 سال بعد آئی ایل او کے ڈائریکٹر جنرل کا پاکستان کا دورہ ممکن ہوا، جو حکومت کی مزدور دوست پالیسیوں اور بین الاقوامی اداروں کے ساتھ تعاون کے عزم کا عکاس ہے۔ گورنر سندھ نے اس دورے کی کامیابی میں وفاقی وزیر چوہدری سالک حسین کی کاوشوں کو بھی سراہا۔ سیکرٹری ورکرز ویلفیئر فنڈ نے اس عزم کا اظہار کیا کہ ادارہ صنعتی کارکنوں اور ان کے خاندانوں کی فلاح و بہبود، معیارِ زندگی میں بہتری اور انہیں زیادہ سے زیادہ سہولیات کی فراہمی کے لیے اپنے اقدامات جاری رکھے گا۔ #foryou #foryoupage #foryourpage #tiktok #viral
