Magaaladda Baladweyne ayaa berri martigelin doonta kulan u dhexeeya Ugaaska Beesha Xawaadle, Ugaas Yuusuf Ugaas Xasan Ugaas Khaliif, iyo Xildhibaannada Xawaadle ee maanta gaaray magaalada. Xildhibaannada ayaa la filayaa inay si rasmi ah ugu dhawaaqaan mowqifkooda ku aaddan garab-istaagga Ugaaska. Sidoo kale, magaaladda ayaa berri lagu soo bandhigi doonaa in ka badan 1,000 Askari oo la sheegay in muddo laba maalmood ah lagu diyaariyey, kuwaas oo loogu talagalay sugidda amniga Ugaaska iyo guud ahaan magaalada Baladweyne, xarunta Gobolka Hiiraan. Dhanka kale, ilo wareedyo hoose oo aanan xooganayn oo la hadlay Hiiraan News Agency ayaa sheegay in Cabdi fitaax Xasan afrax lagu wado laba midkood inuu berri sameeyo, inuu iska casilo xilka Madaxweyne Ku-xigeenka Hirshabeelle iyo inuu isaga tago Baladweyne Si kastaba ha ahaatee, xaaladda ka soo korortay caawa Magaaladda Baladweyne ayaa muujinaysay in Madaxweyne Xasan Sheekh Maxamuud looga itaal roonaaday loollanka siyaasadeed ee xooggan ee u dhaxeeya isaga iyo Ugaaska iyadoo mowqifka Ugaaska iyo dhaqdhaqaaqa Beesha ay beddeleen miisaankii siyaasadeed ee Hirshabeelle - @scd.fcy