@ahmadlaki69: Waqtigu si aanan filayn ayuu inoo dhaafay maalmo iyo habeenno badanna way ina dhex mareen balse mar kasta oo aan dib u milicsado wixii ina dhex maray waxaan is weydiiyaa sida ay suurtagal ku noqotay in qof aan maalin si caadi ah u bartay uu qalbigayga uga yeesho meel intaas le’eg Waxaa jiray habeeno aan hurdada u waayay fikir badan anigoo Alle ka baryaya inuu ku ilaaliyo meel kasta oo aad joogto murugada kaa fogeeyo indhahaagana ku tuso maalmo farxad iyo xasillooni leh Habeennadaas cidina ma ogayn waxa qalbigayga ku jiray balse Alle wuu ogaa inta jeer ee aan kuu ducaynayay iyo wanaagga aan kuu rajaynayay Mararka qaar waxaan dib u xusuustaa bilowgeennii sheekooyinkeennii qosolkeennii iyo sida ay wax walba u ahaayeen kuwo qalbiga farxad geliya Waxaan xusuustaa maalmo aanan dareemi jirin sida waqtigu u socdo sababtoo ah sheekadaadu waxay qayb ka ahayd maalintayda Marnaba ma aanan malayn in isbarasho maalinteedii koowaad caadi ii ahayd ay noqon doonto xusuus aan qalbigayga ka waayo Waxaan soo marnay waqtiyo kala duwan waxaan wadaagnay hadallo dareenno iyo xusuuso aan maanta sidii hore dib ugu soo celin karin Waxaa laga yaabaa in waxyaabo badan aanay u dhicin sidii aan rajaynaynay balse taasi ma beddelayso xaqiiqda ah inaan mar kuu hayay dareen ka yimid qalbi daacad ah Xitaa maalmaha aan kaa fogaa waxaan jeclaa inaad faraxsan tahay inaad guulaysato noloshaaduna kuu noqoto mid qurux badan Mararka qaar hal xusuus ayaa kugu filan inay dib kuu xasuusiso maalmo dhan hal magac ayaa kugu filan inuu kugu soo celiyo dareen aad moodaysay inuu muddo kaa maqnaa Taasi waa sababta aan u aaminsanahay in dadka qaarkood aanay ku koobnayn muddada ay noloshaada joogaan balse ay leeyihiin raad ka weyn waqtigii aad wada qaadateen Ma doonayo in erayadaydu kugu noqdaan culays ama aad dareento inaan wax kaa sugayo Waxaan keliya rabaa inaad ogaato in wanaaggaaga iyo farxaddaadu weli qiimo ii leeyihiin Xitaa haddii aynaan sidii hore u wada sheekaysan waxaan kuu rajaynayaa in riyooyinkaagu rumoobaan qalbigaaguna helo farxaddii iyo xasilloonidii uu mudnaa Haddana haddii aan runta qalbigayga ka hadlo weli waxaa igu nool rajo ah in maalin maalmaha ka mid ah aynu mar kale kulanno Maalin aynu si deggan isu aragno si wanaagsan isu dhageysanno una fahanno waxyaabihii laga yaabo inaynu waayihii hore si kale u aragnay Ma doonayo in wax walba lagu noqdo sidii hore balse waxaan rajaynayaa in haddii Alle kheyr inoogu qoro aynu helno fursad ka wanaagsan tii hore Ma garanayo waxa berri inoo kaydsan balse waxaan Alle ka baryayaa inuu ku ilaaliyo kuu rumooyo riyooyinkaaga kana dhigo maalmahaaga kuwo ka qurux badan inta aad filayso Haddii maalin aynu dib isu aragno waxaan rajaynayaa in kulankaasi noqdo mid farxad leh oo aynu dib u xusuusanno waxyaabihii quruxda badnaa annagoo qalbiyadeennu deggan yihiin Waayo wakhtigu wuu socdaa noloshu way is beddeshaa dadkuna mararka qaar way kala fogaadaan balse qalbigu ma illoobo qof uu maalin si dhab ah u jeclaaday Waxaa jira ducooyin aan la maqlin xusuuso aan la tirtirin iyo dareenno aanay maalmaha soo maray si fudud u dhamayn karin Wakhtigu wuu inaga dheereeyay balse weli qalbigayga waxaa ku nool xusuustii maalintii aan ku bartay habeennadii aan kuu ducaynayay iyo rajadii aan ka qabay in sheekadeennu yeelato dhammaad ka qurux badan kala fogaansho . #ruuxjacayl #Love #foryoupage #dareen . . .