മുഖ്യമന്ത്രി സ്ഥാനത്ത് നിന്നും വി ഡി സതീശനെ മാറ്റാൻ ഹൈക്കമാൻ്റ് തലത്തിൽ തന്നെ ധാരണ ആയതായി സൂചന. മുസ്ലിം ലീഗിൻ്റെ ഉറച്ച പിന്തുണയോടെ മുഖ്യമന്ത്രി സ്ഥാനത്ത് എത്തിയ വി ഡി സതീശനെ ലീഗ് പോലും കൈവിട്ട അവസ്ഥയിലാണ് പുതിയ നീക്കം. സതീശനെ മാറ്റുന്ന കാര്യത്തിൽ രാഹുൽ ഗാന്ധി അനുകൂലമായി പ്രതികരിച്ചതായാണ്, ഉന്നത കോൺഗ്രസ്സ് കേന്ദ്രങ്ങളിൽ നിന്നു തന്നെ ലഭിക്കുന്ന വിവരം. പ്രിയങ്ക ഗാന്ധിയുടെ കൂടി മനസ്സ് മാറ്റിയെടുക്കുന്നതിനുള്ള നീക്കമാണ് ഇപ്പോൾ നടക്കുന്നത്. വി ഡി സതീശനെ വച്ച് മുന്നോട്ട് പോയാൽ, ലോക്സഭ തിരഞ്ഞെടുപ്പിന് മുൻപ് തന്നെ പാർട്ടി പിളരുമെന്ന മുന്നറിയിപ്പാണ് മുതിർന്ന നേതാക്കൾ ഉൾപ്പെടെ ഹൈക്കമാൻ്റിന് നൽകിയിരിക്കുന്നത്. മന്ത്രിമാരെ നോക്കുകുത്തിയാക്കി മുഖ്യമന്ത്രി തീരുമാനമെടുക്കുന്നു എന്ന പരാതിയാണ് ഡൽഹിയിൽ സതീശന് ഇപ്പോൾ തിരിച്ചടിയായിരിക്കുന്നത്. കോൺഗ്രസ്സ് മന്ത്രിമാരിൽ തുടങ്ങിയ ഈ അതൃപ്തി ഇപ്പോൾ ഘടക കക്ഷി മന്ത്രിമാരിലേക്കും പടർന്നിട്ടുണ്ട്. ഏകപക്ഷീയമായ മുഖ്യമന്ത്രിയുടെ മുന്നോട്ട് പോക്കിൽ മന്ത്രി പി കെ കുഞ്ഞാലിക്കുട്ടി അടക്കമുള്ള ലീഗ് നേതാക്കൾ കടുത്ത അതൃപ്തിയിലാണ് ഉള്ളത്. ഏറ്റവും ഒടുവിൽ, താനറിയാതെ വ്യവസായ വകുപ്പ് പ്രിൻസിപ്പൽ സെക്രട്ടറിയെ മാറ്റിയതാണ് കുഞ്ഞാലിക്കുട്ടിയെ പ്രകോപിപ്പിച്ചിരിക്കുന്നത്. അധികാരമേറ്റ ഉടനെ വ്യവസായ വകുപ്പിൽ മുഖ്യമന്ത്രി ഇടപെട്ട് നടത്തിയ മാറ്റത്തിലുള്ള പ്രതിഷേധം അറിയിച്ചിട്ടും, പഴയ നിലപാട് തന്നെ സതീശൻ തുടരുന്നതാണ് കുഞ്ഞാലികുട്ടിയുടെ അതൃപ്തിക്ക് കാരണം. എക്സൈസ് വകുപ്പിലും മന്ത്രിയെ നോക്കു കുത്തിയാക്കി മുഖ്യമന്ത്രി തീരുമാനമെടുക്കുന്നു എന്ന പരാതിയും ശക്തമാണ്. ആരോഗ്യ വകുപ്പിലും ഇതൊക്കെ തന്നെയാണ് സ്ഥിതി. പല തീരുമാനങ്ങളും മാധ്യമങ്ങളിൽ വന്നതിന് ശേഷമാണ് വകുപ്പ് മന്ത്രി കെ മുരളീധരൻ പോലും അറിയുന്നത്. ഇതുപോലെ മിക്ക മന്ത്രിമാരും കടുത്ത അതൃപ്‌തിയിലാണ് ഉള്ളത്. ഏറ്റവും ഒടുവിൽ കെപിസിസി പ്രസിഡൻ്റായ വൈദ്യുതി മന്ത്രി സണ്ണി ജോസഫും ഇപ്പോൾ ആകെ നാണംകെട്ടിരിക്കുകയാണ്. - @jaafmalappuram