kenan_ismayilov :
Həqiqətəndə insan bəzənn dayanıb geriyə baxanda həyatın necə sürətlə keçdiyin illərin necə ötüb gettiyini daha dərindən anlıyır. Bir vaxtlar böyük xəyallarımız arzularımız yaşamaq istədiyimiz gözəl günlər varıydı Böyümək öz ayaqlarımız üzərində dayanmaq, pul qazanmaq, nələrəsə sahib olmaq istəyirdik. Amma böyüdükcə anladıq ki, həyat heç də xəyal etdiyimiz qədər asan deyilmiş.
İndi günlərimiz işə getmək, evə qayıtmaq, məsuliyyətlər, qayğılar və dolanışıq dərdi arasında keçir. Səhər açılır, axşam olur, sabah yenə eyni həyat Bəzən elə yoruluruq ki, özümüzə, sevdiklərimizə, hətta sadəcə həyatdan zövq almağa belə vaxt ayıra bilmirik. Ən ağrılısı isə odur ki, pul qazanmaq üçün sərf etdiyimiz zamanın əvəzində itirdiyimiz şeylər pulla geri qaytarılmır.
Əslində, biz böyüməyi arzulayanda belə bir həyat xəyal etməmişdik. Bir az daha çox gülmək, dostlarla səbəbsiz yerə görüşmək, ailəmizlə qayğısız vaxt keçirmək, ürəyimiz istəyəni etmək istəyirdik. İndi isə bəzən uşaqlıq və gənclik illərimiz üçün darıxırıq. Çünki o vaxt pulumuz az idi, amma zamanımız, həvəsimiz, ümidlərimiz çox idi.
Kaş insan böyüməyin yalnız yaş almaq deyil, həm də bəzi gözəlliklərdən yavaş-yavaş uzaqlaşmaq olduğunu əvvəlcədən biləydi. Həyatın ən böyük sərvəti pul deyil, geri qaytara bilmədiyimiz zamandır. Allah hər kəsə zəhmətinin bəhrəsini görməyi, sevdikləri ilə sağlamm xoşbəxt və qayğısız günlər yaşamağı nəsib etsin.
2026-11-13 04:56:09