@yahye_vloges: BAAQ IYO BARAARUJIN KU SOCOTA ARDAYDII HORE IYO DANEEYAYAASHA WAXBARASHADA. Ardaydii ka qalin-jabisay Dugsiga Sare ee Maxamuud Axmed Cali sannadihii u dhexeeyey 1983–1987, xilligii Dawladdii Hore, iyo ardaydii iyaguna ka baxday dugsiga intii u dhexaysay 2003–2010, ayaa baaq wadajir ah u diray dhammaan ardaydii ay wax ku soo wada barteen dugsigan, waalidiinta, bulshada iyo guud ahaan daneeyayaasha waxbarashada. Baaqa ayaa ku wajahan in si wadajir ah looga qayb qaato dayactirka, ballaadhinta iyo kor u qaadista bilicda dugsiga, si loo soo celiyo quruxdiisii, loo horumariyo kaabayaashiisa waxbarasho, loona abuuro jiilasha maanta iyo kuwa mustaqbalka iman doona deegaan waxbarasho oo tayo leh. Waxay ku boorrinayaan dhammaan intii dugsigan aqoonta iyo tarbiyadda ka heshay in ay dib ugu soo noqdaan hoygii aqoonta, kana qaataan doorkooda ku aaddan horumarkiisa, iyaga oo garwaaqsan in dugsigani yahay dhaxal guud iyo hoy aqooneed oo mudan in la ilaaliyo lana horumariyo.

Yahye_Cade

Open In TikTok:

Region: SO

Thursday 12 November 2026 09:24:57 GMT