@adilet_ayagoz_audany: «Әділет» партиясынан Абай облыстық мәслихатының депутаттығына кандидат Қанат Оспанов және Аягөз аудандық мәслихатының депутаттығына кандидат Шыңғысхан Жайықұлы теміржол саласының қызметкерлерімен кездесу өткізді. Кездесу барысында кандидаттар партияның сайлауалды бағдарламасын таныстырып, ел дамуы, халықтың әл-ауқатын арттыру, еңбек адамдарының құқықтарын қорғау және әлеуметтік мәселелерді шешу бағытындағы жоспарларымен бөлісті. Сонымен қатар кездесу барысында Қазақстан Республикасы Президенті Қасым-Жомарт Кемелұлы Тоқаевтың Қазақстан халқына арнаған Жолдауында көлік-логистика саласын дамытуға, теміржол инфрақұрылымын жаңғыртуға және еліміздің транзиттік әлеуетін арттыруға ерекше басымдық берілгені атап өтілді. Мемлекет басшысы теміржол желілерін дамыту, жүк тасымалының көлемін ұлғайту, жаңа логистикалық бағыттарды қалыптастыру және заманауи технологияларды енгізу жөнінде нақты міндеттер қойды. Әсіресе, Аягөз ауданы үшін стратегиялық маңызы зор «Бақты – Аягөз» теміржол желісінің құрылысына ерекше тоқталды. Ұзындығы 303 шақырымды құрайтын бұл жоба Қазақстан мен Қытай арасындағы теміржол қатынасын кеңейтіп, жылына 20 миллион тоннаға дейін жүк өткізуге мүмкіндік береді. Аталған жоба өңірдің экономикалық дамуына, жаңа жұмыс орындарының ашылуына және ауданның транзиттік әлеуетінің артуына тың серпін бермек. Кездесу барысында теміржол саласы қызметкерлерінің қоғам мен ел экономикасын дамытудағы маңызды рөлі де ерекше атап өтілді. Еңбек адамдарының әлеуметтік жағдайын жақсарту, еңбек қауіпсіздігін қамтамасыз ету, кәсіби мамандардың мәртебесін көтеру мәселелеріне назар аударылды. Теміржол қызметкерлерімен ашық пікір алмасу өтіп, олардың ұсыныс-пікірлері мен өзекті мәселелері тыңдалды.

Adilet_ayagoz_audany

Open In TikTok:

Region: KZ

Thursday 12 November 2026 09:48:50 GMT