@dowladdahooseeebosaaso: 𝗜𝗦𝗜𝗠𝗔𝗗𝗔 𝗗𝗛𝗔𝗤𝗔𝗡𝗞𝗔 𝗚𝗢𝗕𝗢𝗟𝗞𝗔 𝗕𝗔𝗥𝗜 𝗜𝗬𝗢 𝗚𝗨𝗗𝗗𝗜𝗚𝗔 𝗛𝗢𝗥𝗨𝗠𝗔𝗥𝗜𝗡𝗧𝗔 𝗢𝗢 𝗞𝗢𝗥𝗠𝗘𝗘𝗥𝗔𝗬 𝗗𝗛𝗜𝗦𝗠𝗔𝗛𝗔 𝗟𝗔𝗔𝗠𝗜𝗚𝗔 𝗚𝗔𝗥𝗢𝗢𝗡𝗞𝗔 𝗗𝗜𝗬𝗔𝗔𝗥𝗔𝗗𝗔𝗛𝗔 𝗕𝗢𝗢𝗦𝗔𝗔𝗦𝗢. Isimada dhaqanka Puntland ee Gobolka Bari, oo ay weheliyaan xubnaha Guddiga Horumarinta Boosaaso, ayaa kormeer wadajir ah ku sameeyey dhismaha laamiga isku xira Garoonka Diyaaradaha Boosaaso iyo xaafadaha magaalada, halkaas oo ay ka socoto shaqo dhisme oo baaxad leh. Isimada kormeerka sameeyey waxaa ka mid ahaa Beeldaaje Cali Beeldaaje Faarax, Beeldaaje Maxamed Beeldaaje Ismaaciil, Beeldaaje Ismaaciil Beeldaaje Yaasiin iyo Suldaan Mursal Muuse Koonte. Sidoo kale, oo ay weheliyaan xubnaha Guddiga Horumarinta oo uu hoggaaminayey Guddoomiyaha Guddiga, Suldaan Maxamed Muuse Indhataag, odayaal iyo waxgarad kale. Masuuliyiinta ayaa si weyn u bogaadiyey una ammaanay shaqada horumarineed ee uu maamulka Dowladda Hoose ee Degmada Boosaaso ka wado magaalada, iyaga oo si gaar ah u xusay dhismaha waddadan oo muhiimad weyn u leh isku socodka bulshada, bilicda magaalada iyo horumarinta kaabeyaasha dhaqaalaha. Waxay sidoo kale maamulka degmada ku dhiirrigeliyeen sii wadista dadaallada horumarineed ee lagu kobcinayo adeegyada bulshada iyo kaabeyaasha magaalada Boosaaso, waxaana goobta ku soo dhaweeyey masuuliyiinta shirkadda TTN ee dhisaysa waddada, kuwaas oo uga warbixiyey heerka uu marayo dhismaha, hawlaha socda iyo qorshaha shaqada ee laamiga. Kormeerkan ayaa muujinaya taageerada iyo bogaadinta ay isimada dhaqanka iyo waxgaradka Gobolku u hayaan dadaallada horumarineed ee maamulka degmada, kuwaas oo qayb ka ah dib-u-dhiska iyo bilicda magaalada Boosaaso.#dowladahoosebosaso #fyb #bosaasocusub

Dowladda Hoose ee Bosaaso

Open In TikTok:

Region: SO

Thursday 12 November 2026 11:06:29 GMT