@lazzat_mediator: СОТТА ӘДІЛДІК ПЕН ТЕҢДІК САҚТАЛЫП ОТЫР МА? Астана қаласындағы ауданаралық қылмыстық сотта судья Сандуғаш Бисембекованың төрағалығымен өтіп жатқан Абдрахманов Дәурена Баянбайұлына қатысты сот процесі бірқатар сұрақ туғызды. Бүгін сотталушы сот процесінің біржақты өтіп жатқанына наразылық білдіріп, сотқа сенбейтінін ашық айтты. Алайда оның уәжінен кейін судья оны сот залынан шығарып, процесті жалғастырды. Қорғаушы адвокат Казармина Гүлмира Мұхамедқызының сот отырысын кейінге қалдыру туралы өтінішхаты да қанағаттандырылмады. Мемлекеттік айыптаушы – прокурор Ақылбекова Дана Ақылбекқызы қатысқан сот отырысында қорғау тарапының өтініштері бойынша қабылданған шешімдер де сұрақ туғызды. Неге сотталушының уәжі ескерілмейді? Неліктен қорғаушының өтініштері қанағаттандырылмайды? Сотталушы залдан шығарылғаннан кейін процесті жалғастырудың заңды негізі қандай? Сот – айыптау тарапының ғана алаңы емес. Қорғау мен айыптау тарапына тең мүмкіндік берілуі тиіс. Сотталушының үнін өшіру – әділдік орнату емес. Әділ соттың өлшемі – судьяның шешімі емес, заңның үстемдігі! Осы жағдайға сот басшылығы мен тиісті уәкілетті органдар құқықтық баға беруі қажет. #ЗаңЖәнеТәртіп #АдамҚұқығы #КонституциялықҚұқық #БасПрокуратура #әділдіккерек