اسلام آباد میں پاکستان منرلز انویسٹمنٹ فورم کے نام پر پشتون وطن سمیت دیگر علاقوں کے قدرتی وسائل عالمی سرمایہ کاروں کے سامنے پیش کیے جا رہے ہیں۔ معدنیات کی تلاش، کان کنی اور اربوں ڈالر کی سرمایہ کاری کے دعوے کیے جا رہے ہیں، مگر ایک بنیادی سوال کا جواب کوئی نہیں دے رہا کہ ان وسائل کے اصل مالک کون ہیں اور ان کے مستقبل کا فیصلہ کرنے کا اختیار کس کے پاس ہے؟ پشتون وطن قدرتی معدنیات سے مالا مال ہے، لیکن یہاں کے عوام آج بھی جنگ، بدامنی، غربت، بے روزگاری اور بنیادی سہولیات کی محرومی کا شکار ہیں۔ ہمارے پہاڑوں سے معدنیات نکالنے کے منصوبے تو بنائے جاتے ہیں، مگر مقامی عوام کی ترقی، خوشحالی اور بنیادی حقوق کو نظرانداز کیا جاتا ہے۔ پشتون وطن کے معدنی وسائل پر اسلام آباد میں سرمایہ کاری کے نام پر سودے بازی ہو رہی ہے. یہ معدنیات پشتون وطن کی سرزمین کا سرمایہ اور پشتون عوام کی قومی ملکیت ہیں۔ آج ہمارا وطن ریاستی استحصالی پالیسیوں اور پنجابی استعماریت کی زد میں ہے، جہاں ہمارے قدرتی وسائل اور معدنیات پر فیصلے اسلام آباد میں بیٹھ کر کیے جا رہے ہیں، جبکہ یہاں کے عوام بدامنی، غربت، بے گھری اور محرومی کا سامنا کر رہے ہیں۔ ہم واضح کرتے ہیں کہ پشتون وطن کے وسائل کا سودا پشتون عوام کی مرضی اور اختیار کے بغیر کسی کو کرنے کی اجازت نہیں دیں گے۔ ہمارے وسائل پر پہلا حق یہاں کے عوام کا ہے۔ ترقی کے نام پر لوٹ مار، سرمایہ کاری کے نام پر قبضہ اور معدنیات کے نام پر استحصال قبول نہیں۔ ہمارے وسائل، ہماری سرزمین اور ہمارے مستقبل کا فیصلہ کرنے کا حق صرف پشتون عوام کو حاصل ہے۔ #Pashtunminesandminerals #PashtunResources #PashtunRights - @ptm5151