@lazzat_mediator: «ЕСІРТКІСІЗ БОЛАШАҚ»: ЗАҢ МЕН ТӘРТІП – ҚАУІПСІЗ ҚОҒАМНЫҢ КЕПІЛІ Түркістан қаласында «Заң мен тәртіп» қағидаты аясында «Есірткісіз болашақ» атты ауқымды форум өтті. Түркістан қаласында жастарды есірткіден қорғау, нашақорлықтың алдын алу және қоғамда салауатты өмір салтын қалыптастыру мақсатында «Есірткісіз болашақ» форумы ұйымдастырылды. Маңызды іс-шараға Түркістан облысының әкімі Нұралхан Көшеров, Түркістан облысы полиция департаментінің басшысы Арыстанғани Заппаров, Түркістан қаласы полиция басқармасының басшысы Жасұлан Нысанбаев, мемлекеттік мекемелер мен басқармалардың басшылары, полиция департаментінің жеке құрамы, зиялы қауым өкілдері және жастар қатысты. Форумның негізгі мақсаты – өскелең ұрпақты есірткі айналымының зардаптарынан қорғау, есірткі қылмысының алдын алу және жастар арасында құқықтық мәдениетті қалыптастыру. Жиында Мемлекет басшысының Жолдауында айқындалған міндеттерді насихаттау, «Заң мен тәртіп» қағидатын қоғамда орнықтыру, қоғамдық қауіпсіздікті қамтамасыз ету және есірткіге қарсы күрестің тиімді жолдары талқыланды. Бүгінде есірткі мәселесі тек құқық қорғау органдарының ғана емес, бүкіл қоғамның ортақ жауапкершілігін талап етеді. Сондықтан жастарға құқықтық тәрбие беру, отбасындағы бақылауды күшейту, білім беру ұйымдарында түсіндіру жұмыстарын жүргізу және алдын алу шараларын жүйелі ұйымдастырудың маңызы зор. Форумда есірткісіз қоғам қалыптастыру жолындағы бірлескен жұмыстың қажеттілігіне назар аударылды. Есірткісіз болашақ – саналы ұрпақтың таңдауы. Жастардың қауіпсіздігі мен елдің келешегі жолындағы күрес – баршамызға ортақ міндет. #ЗаңЖәнеТәртіп #АдамҚұқығы #БасПрокуратура #қоғампікірі

3566

There are no more comments for this video.

To see more videos from user @lazzat_mediator, please go to the Tikwm homepage.