@prasanthkaakkakot: പരിഭവങ്ങളേതുമില്ലാതെ നിങ്ങൾക്കുവേണ്ടി കാത്തിരിക്കുന്ന ഒരു മനുഷ്യനെങ്കിലും നിങ്ങൾക്കുണ്ടോ.? നമ്മുടെ ജീവിതത്തിൽ അങ്ങനെയൊരാൾ ഉണ്ടായിരിക്കുക എന്നത് എത്ര മനോഹരമായൊരു അനുഭവമാണ്.. അല്ലേ.? നമ്മൾ എത്ര തിരക്കിലാണെന്നോ.. എത്ര വൈകിയാണ് അവരിലേക്ക് തിരിച്ചെത്തുന്നതെന്നോ.. എത്ര ദിവസങ്ങളാണ് കടന്നുപോയതെന്നോ.. കണക്കുപറയാതെ.. നമ്മളെ ഓർത്തുകൊണ്ട് ഒരു മനസ്സ് എവിടെയോ കാത്തിരിക്കുന്നുണ്ടെന്ന തിരിച്ചറിവ് നൽകുന്ന വൈകാരികമായ ഒരു തണുപ്പുണ്ട്.. ഒരുപക്ഷേ.. ജീവിതത്തിലെ ചില വേദനകൾക്കിടയിലും മനസ്സിന് ലഭിക്കുന്ന ഏറ്റവും മനോഹരമായ ആശ്വാസങ്ങളിലൊന്നായിരിക്കാം അത്..! നമ്മൾ എപ്പോഴും കൂടെയുണ്ടാകണമെന്ന് വാശിപിടിക്കാതെ.. നമ്മുടെ അഭാവത്തെ സ്നേഹക്കുറവായി വ്യാഖ്യാനിക്കാതെ.. തിരികെ എത്തുമ്പോൾ പഴയ അതേ സ്നേഹത്തോടെ സ്വീകരിക്കാൻ മനസ്സുള്ള ഒരാൾ.. അവിടെ സ്നേഹം ഒരു അവകാശപ്രകടനമല്ല.. മറിച്ച്.. പരസ്‌പരം സ്വതന്ത്രരായിരിക്കുമ്പോഴും വൈകാരികമായി ചേർന്നുനിൽക്കാൻ കഴിയുന്ന മനോഹരമായൊരു അനുഭവമാണ്.. ചിലപ്പോഴൊക്കെ.. നമ്മൾ ആ മനുഷ്യനിലേക്ക് തിരിച്ചെത്താൻ അല്പം വൈകിപ്പോയാൽ പോലും നമ്മളോടുള്ള കരുതലിന് ഒരു കുറവും വരുത്താതെ ഒരു മനസ്സ് എവിടെയോ നമുക്ക് വേണ്ടി കാത്തിരിക്കുന്നു എന്നൊരു തിരിച്ചറിവ് മാത്രം മതി.. ജീവിതത്തിലെ പല വൈകാരികമായ ക്ഷീണങ്ങളിൽ നിന്നും മനസ്സിന് അല്പമൊന്ന് ആശ്വസിക്കാൻ.. ജീവിതത്തിൽ എല്ലാവർക്കും തിരക്കുകളുണ്ടാകാം.. പക്ഷേ.. ആ തിരക്കുകൾക്കിടയിലും മറ്റൊരാൾക്ക് വേണ്ടി മനസ്സിൽ അല്പം ഇടം മാറ്റിവെക്കാൻ പരസ്പരം കഴിയുന്നത് സ്നേഹത്തിൻ്റെ മനോഹരമായൊരു തിരഞ്ഞെടുപ്പാണ്.. ഒരുപക്ഷേ.. ജീവിതത്തിൽ നമുക്ക് ലഭിക്കാവുന്ന ഏറ്റവും മനോഹരമായ സ്നേഹാനുഭവങ്ങളിൽ ഒന്ന്.. നമ്മൾ എപ്പോഴും കൂടെയുണ്ടാകണമെന്ന് നിർബന്ധിക്കാതെ.. എന്നാൽ തിരിച്ചെത്തുമ്പോൾ പരിഭവങ്ങളില്ലാതെ ചേർത്തുപിടിക്കാൻ മനസ്സുള്ള ഒരാൾ ഉണ്ടായിരിക്കുക എന്നതാണ്.. അതെ.. ഒന്നിനും തിരക്കില്ലാതെ.. ഒട്ടും തിരക്ക് പിടിക്കാതെ.. പരസ്പരം കാത്തിരിക്കുന്ന മനുഷ്യരാവുക എന്നതും സ്നേഹത്തിന്റെ ഏറ്റവും മനോഹരമായ ഭാവങ്ങളിൽ ഒന്നാണ്..

കണ്ണൻ പ്രിയപ്പെട്ട കണ്ണൻ💜💜💜

Open In TikTok:

Region: SA

Thursday 12 November 2026 18:22:36 GMT