@norahs2127: ထိုင်းနိုင်ငံမှာ အစိုးရထီဆုကြေးတွေကို တိုးမြှင့်ပေးဖို့ အောက်လွှတ်တော် စားသုံးသူကာကွယ်ရေးကော်မတီက အဆိုပြုခဲ့ပါတယ်။ လက်ရှိ ထိုင်းအစိုးရထီရဲ့ ပထမဆုဟာ တစ်စောင်ကို ဘတ် ၆ သန်းဖြစ်ပေမဲ့ ဘတ် ၁၀ သန်းအထိ တိုးမြှင့်ပေးဖို့ အဆိုပြုထားတာပါ။ ဒီအဆိုပြုချက်ကို စားသုံးသူကာကွယ်ရေးကော်မတီ ဒုတိယဥက္ကဋ္ဌ ဘွန်ရဝီ ယုံဂျင်ဒါ (Boonrawee Yomjinda) က ဦးဆောင်တင်ပြခဲ့တာဖြစ်ပြီး လက်ရှိထီဆုကြေးတွေဟာ ၁၀ နှစ်ကျော်ကြာအောင် ပြောင်းလဲတိုးမြှင့်ခြင်းမရှိခဲ့တာကြောင့် ပြည်သူတွေအတွက် ပိုမိုမျှတတဲ့ ဆုကြေးစနစ်ဖြစ်လာစေဖို့ ရည်ရွယ်တယ်လို့ ဆိုပါတယ်။ ကော်မတီရဲ့ အဆိုပြုချက်ထဲမှာ အခြားဆုကြေးတွေကိုလည်း တိုးမြှင့်ဖို့ ပါဝင်ပါတယ်။ ၁။ ပထမဆု – ဘတ် ၆ သန်းမှ ဘတ် ၁၀ သန်း ၂။နောက်ဆုံး ၂ လုံးဆု – ဘတ် ၂,၀၀၀ မှ ဘတ် ၅,၀၀၀ ၃။နောက်ဆုံး ၃ လုံးဆု – ဘတ် ၄,၀၀၀ မှ ဘတ် ၁၀,၀၀၀ ဒီလိုတိုးမြှင့်ပေးဖို့ အဆိုပြုရတဲ့ အကြောင်းရင်းကတော့ လက်ရှိဆုကြေးတွေဟာ နှစ်ပေါင်း ၁၀ ကျော်ကြာအောင် မပြောင်းလဲခဲ့သလို ထီဝယ်ယူသူတွေအတွက်လည်း အကျိုးခံစားခွင့် ပိုမိုရရှိစေလိုတာဖြစ်ပါတယ်။ အဆိုပြုချက်နဲ့ပတ်သက်ပြီး ထိုင်းအစိုးရထီရုံးကလည်း စဉ်းစားပေးဖို့ အသင့်ရှိကြောင်း တုံ့ပြန်ထားပါတယ်။ ဒါပေမဲ့ လက်ရှိဥပဒေအရ ထီရောင်းရငွေရဲ့ ၆၀ ရာခိုင်နှုန်းကိုသာ ဆုကြေးအဖြစ် ခွဲဝေပေးရတာကြောင့် ဆုကြေးတိုးမြှင့်မယ်ဆိုရင် ဥပဒေပြင်ဆင်ဖို့ ဒါမှမဟုတ် လက်ရှိတစ်စောင် ဘတ် ၈၀ သတ်မှတ်ထားတဲ့ ထီဈေးနှုန်းကို တိုးမြှင့်ဖို့ လိုအပ်လာနိုင်တယ်လို့ ထီရုံးညွှန်ကြားရေးမှူးက ရှင်းပြထားပါတယ်။ လက်ရှိအချိန်အထိတော့ ထီဆုကြေးတိုးမြှင့်ရေး အဆိုပြုချက်ကို တရားဝင်အတည်ပြုခြင်း မရှိသေးပါဘူး။ ဒါကြောင့် ထိုင်းအစိုးရထီရဲ့ ပထမဆုဟာ လက်ရှိအတိုင်း ဘတ် ၆ သန်းပဲ ဖြစ်ပြီး ဘတ် ၁၀ သန်းအထိ တိုးမြှင့်ပေးမယ့် အစီအစဉ်ဟာ ဆွေးနွေးအဆိုပြုနေဆဲ အဆင့်မှာသာ ရှိပါသေးတယ်။ #ကာနူပီ #ထိုင်းသတင်း #ထိုင်းအစိုးရထီ #ထီဆုကြေး #ထိုင်းနိုင်ငံ

🍀🅝Ⓞ🅡Ⓐ🍀

Open In TikTok:

Region: TH

Thursday 12 November 2026 23:57:32 GMT