ဘယ်လောက်ပဲ သံယောဇဉ်ရှိရှိ အရင်လို နွေးထွေးမှုတွေ မရှိတော့နိုင်ဘူး။ စိတ်ဆိုးတာက ခဏပါ… စိတ်နာသွားတာကတော့ အရာအားလုံးကို ပြောင်းလဲသွားစေနိုင်တယ်။ တကယ်စိတ်နာသွားခဲ့ရင် ဘယ်လောက်ပဲ ချစ်ခဲ့ချစ်ခဲ့ တစ်နေ့နေ့မှာ ကျောခိုင်းထွက်ခွာသွားနိုင်တယ်။ ဘယ်လောက်ပဲ ခင်မင်ခဲ့ခဲ့ ခပ်ခွါခွါ နေတတ်သွားနိုင်တယ်။ ဘယ်လောက်ပဲ တွယ်တာခဲ့ခဲ့ နောက်ဆုံးမှာ လှည့်မကြည့်ဘဲ လွှတ်ချခဲ့ရတာမျိုးလည်း ရှိတတ်တယ်။ 🌸တချို့လမ်းခွဲမှုတွေဟာ သံယောဇဉ်မရှိတော့လို့ မဟုတ်ပါဘူး။ ထပ်ပြီး မနာကျင်ချင်တော့လို့ ကိုယ့်စိတ်ကိုယ် ကာကွယ်လိုက်ရတာပါ။ 🍀ခန္ဓာကိုယ်က ဖြစ်တဲ့ဒဏ်ရာက အချိန်ကြာလာရင် အနာကျက်သွားနိုင်ပေမဲ့ စိတ်ထဲက ဒဏ်ရာကတော့ အချိန်ကြာရုံနဲ့ အားလုံးပျောက်ကင်းသွားမယ်လို့ အာမခံလို့ မရပါဘူး။ 🍀တချို့စကားတွေက ပြောသူအတွက် ဘာမှမဟုတ်ပေမယ့် ကြားခဲ့ရသူအတွက်တော့ အသဲထဲထိနာကျင်နေနိုင်တယ်။ 🍀တချို့လုပ်ရပ်တွေက လုပ်သူအတွက် မေ့လွယ်ပေမဲ့ ခံစားခဲ့ရသူအတွက်တော့ ယုံကြည်မှုတစ်ခုလုံး ပျက်စီးသွားစေနိုင်တယ်။ 🌼စိတ်ဆိုးတာနဲ့ စိတ်နာတာ မတူပါဘူး။ စိတ်ဆိုးတာက ပြန်ပြေလည်ဖို့ အခွင့်အရေး ရှိနေတတ်ပေမဲ့ စိတ်နာသွားတဲ့အခါမှာတော့ အရင်လို ပြန်လည်နွေးထွေးဖို့ အချိန်နဲ့ ယုံကြည်မှုတွေ အများကြီး လိုအပ်တတ်ပါတယ်။ 🍀တစ်ခါတလေ ခွင့်လွှတ်ပေးနိုင်ပေမဲ့ အရင်လို ယုံကြည်နိုင်ဖို့ မလွယ်တော့ဘူး။ ပြန်လည်စကားပြောနိုင်ပေမဲ့ အရင်လို ရင်ထဲကနေ မရင်းနှီးနိုင်တော့တာလည်း ရှိတယ်။ 🍀ဒါကြောင့် ကိုယ်ပြောမယ့်စကားတစ်ခွန်း၊ ကိုယ်လုပ်မယ့်အပြုအမူတစ်ခုကို သူတစ်ပါးရဲ့စိတ်မှာ ဘယ်လို စိတ်ဒဏ်ရာ အမှတ်အသား ကျန်ခဲ့မလဲဆိုတာ စဉ်းစားသင့်ပါတယ်။ 🌸လူတစ်ယောက်ကို ချစ်တတ်ဖို့ထက် ကိုယ်ချစ်တဲ့သူရဲ့စိတ်ကို မနာကျင်စေဖို့ကလည်း အရေးကြီးပါတယ်။ 🌺ဝဋ်ဆိုတာ လည်တတ်တာမို့- ကိုယ်နာကျင်ဖူးလို့ သူတစ်ပါးကို နာကျင်အောင် မလုပ်ပါနဲ့။ ကိုယ်စိတ်ဒဏ်ရာ ရဖူးလို့ သူတစ်ပါးကိုလည်း အဲဒီဒဏ်ရာမျိုး မပေးမိအောင် သတိထားပါ။ 🍁သူတစ်ပါးရဲ့စိတ်ကိုလည်း အနာတရမဖြစ်စေဖို့ သတိထားပါ။ ကိုယ့်ကြောင့် နွေးထွေးခဲ့တဲ့စိတ်တစ်ခု အေးစက်သွားရခြင်းမျိုး မဖြစ်ပါစေနဲ့။ #ထီးတစ်လက် - @wetletmyo