@aznewskz: Қазақстан өз тәуелсіздігін алса да, қазақтардың көпшілігі әлі де бұрынғы кеңестік замандағы "ов","ев" "ин" деп аяқталатын тектерін өзгертпей келеді. Мұның өзіндік себебі де бар. Біріншісі, кеңес билігі кезінде қызмет істеген адамдардың жеке ел болсақ та, кеңес үкіметі қайта орнап қалса не болар екен, әлі де артын бағайық деген секемдігі, екіншісі, ескі құжаттарды ауыстырудағы қиындықтар, үшіншісі, тектерін орыс тілінде жазылып, айтылуын жақтайтындар. Алайда, кейінгі кезде қазақтар ов, ев, ин (ова, ева, ина) деп аяқталатын тектерден арыла бастаған. Ұлттық статистика бюросы есімдер мен тектерге қатысты қызық статистика жүргізді. Қазақстанда 10 000-нан аса рет 69 қазақ тегі кездеседі. Қазақтар арасында ов, ев, ин (ова, ева, ина) болып аяқталған тектер үлесі 64 пайыз болады. Дегенмен,әр жылы туғандардың тектерін талдағанда, мұндай тектердің үлесінің азаю динамикасы байқалған. Жалпы 2000 жылдан бастап туылған қазақтардың негізгі бөлігі тектерін қазақша жаздыртқан. Бұрынғыдай ов, ев, ин жұрнақтарын кездірмейсін. Бұл дегеніміз ұлттық сананың өсуі, халықтың өз қазынасына оралуын көрсетсе керек. Сонда да бойымыздағы әлжуаздықтан арыла алмай отырмыз. Текке қатысты құжаттарды қазақшаландыруды батыл қолға алмай отырмыз. Бұл істе нақтылық керек. Құжаттандыру саласында жұмыс істейтін мамандардың ұлттық ар -намысты оятатын іскерлігі қажет. Сонда ғана біз қазақ ұлтының біртектілігін қалыптастырамыз. Мұндай шараларды шулатпай, сабырлықпен жүзеге асыруға болады. Қазақтың қазақша атауы болса, ол көне жұрттың белгісі, коды деп есептелінеді. Ұлт атауына оның тілі, мәдениеті және тегі жатады. Өз тәуелсіздігін қолына алған Қазақ елі бүгін әлемге белгілі. Оның атағын шығарып жүргендер жүздеп саналады.Өкініштісі, солардың көбісінің тектері орыс жұрнақтарымен аталады. Мұны шетелдіктер қазақ емес орыс деп қабылдайды. Әсіресе, жастарға лайық емес. Жуырда әнші Әбдіжаппар Әлқожа белгілі футболшы Дастан Сәтбаевтің "Челси" футбол командасының құрамында ойнап жүргенін,оның жетістіктері әлемге "Сәтбаев" емес қазақша "Дастан Сәтбай" деп танылса нұр үстіне нұр болар еді"деп өз пікірін білдірген болатын. Әлқожаның ұсынысы ойға қонымды. Бұл пікірді қазақ қоғамы қуаттады. Қазіргі қазақ жастарына өз тектерін ұлттық нышанға айналдыруға ешқандай кедергі жоқ. Тек алға батыл қадам жасау қажет. Бұл ұлттың бірлігін көрсетеді. Осы төңіректе сіздер не айтар едіңіздер! Арнаға жазылып, пікір білдіріңіздер.

asnewskz

Open In TikTok:

Region: KZ

Friday 13 November 2026 06:21:57 GMT