@xeber.axini: Bakının Xəzər rayonunda yerləşən supermarketlərdən birində oğurluq hadisəsi baş verib. Hadisəni törətməkdə şübhəli bilinən 11-ci sinif şagirdi saxlanılıb və məhkəmənin hökmü ilə cəzalandırılıb. Xəbəraxını xəbər verir ki, hadisə Binə qəsəbəsindəki supermarketlərdən birində qeydə alınıb. Məlumata görə, 2010-cu il təvəllüdlü İ.Z. gecə saatlarında marketə gələrək binanın ikinci mərtəbəsinə qalxıb. O, həmin vaxt heç kimin olmamasından istifadə edərək müdirin otağına daxil olub və seyfdən 1 492 manat götürərək ərazidən uzaqlaşıb. Hadisə supermarketin müşahidə kameralarına da düşüb. Polis əməkdaşlarının keçirdikləri əməliyyat tədbirləri nəticəsində yeniyetmə saxlanılıb. Faktla bağlı cinayət işi başlanıb. Araşdırma zamanı məlum olub ki, İ.Z. uşaqlıq illərində anası tərəfindən tərk edilib və bacısı ilə birlikdə Bakıda internat tipli xüsusi ümumtəhsil məktəbinə yerləşdirilib. Həmin təhsil müəssisəsinin 11-ci sinif şagirdi olan yeniyetmənin eşitmə məhdudiyyəti var. Cinayət işi üzrə istintaq başa çatdırılaraq materiallar məhkəməyə göndərilib. Məhkəmənin hökmü ilə İ.Z. bir il müddətinə azadlığın məhdudlaşdırılması cəzasına məhkum edilib. #azərbaycan #xeber #xeberaxını #ensonxeberler

Xeber Axini

Open In TikTok:

Region: AZ

Friday 13 November 2026 07:22:04 GMT