@manset.azxeber: Azərbaycanlı aşpaz Elçinin Rusiyanın məşhur kulinariya şousu «Şeflərin döyüşü»ndə («Битва шефов») çıxışı münsiflər heyətinin diqqətini cəlb edib. Seçim mərhələsində o, müəllif resepti əsasında hazırladığı pendirli və toyuqlu qara düyü yeməyini təqdim edib. Şef- aşpazlar Azərbaycan mətbəxini sevdiklərini bildirərək, Bakıdan olan iştirakçıdan şah plov və ya dovğa kimi ənənəvi milli yeməklər gözlədiklərini qeyd ediblər. Toyuğun dadı ilə bağlı bəzi iradlara baxmayaraq, texnologiyaya uyğun bişirilən və kifayət qədər pendirlə tamamlanan qara düyü münsiflərdən müsbət rəy alıb. Nəticədə Elçin iki səs toplayaraq şounun növbəti mərhələsinə vəsiqə qazanıb. Çıxışından sonra aşpaz layihəyə müraciəti ondan xəbərsiz həyat yoldaşının etdiyini açıqlayıb. Elçin bu addımına görə həyat yoldaşına təşəkkür edərək, onun sayəsində çoxdankı arzusunu reallaşdıra bildiyini bildirib. /xeberimiz.var
