@millardayo_: Huduma mbalimbali za kampuni ya teknolojia ya Microsoft, zikiwemo Outlook, Teams na Copilot, zimeripotiwa kukumbwa na hitilafu kubwa iliyodumu kwa takribani saa 12, na kuathiri maelfu ya watumiaji nchini Marekani pamoja na shughuli za kibiashara katika Nchi za Asia na Pasifiki. Hitilafu hiyo iliyotokea usiku wa kuamkia leo Novemba 13, 2026 imeripotiwa kuathiri Taasisi za Serikali nchini Marekani, Australia na Japan, pamoja na kampuni zinazojihusisha na teknolojia ya akili bandia (AI), zikiwemo OpenAI na Anthropic. Kwa mujibu wa tovuti ya Downdetector inayofuatilia hitilafu za huduma za mtandaoni, zaidi ya taarifa 130,000 za matatizo ya Outlook ziliripotiwa nchini Marekani katika kilele cha hitilafu hiyo siku ya Alhamisi, huku changamoto nyingine zikiripotiwa India, Australia na Japan. Microsoft imesema imefanya marekebisho katika seva zilizoathirika, ambapo Waziri wa Mambo ya Ndani wa Australia, Tony Burke, amesema Microsoft inaamini hitilafu hiyo huenda ilisababishwa na tatizo katika maboresho ya mfumo, linalofanana na hitilafu iliyohusisha kampuni ya CrowdStrike mwaka 2024. #MillardAyoUPDATES

millardayo

Open In TikTok:

Region: TZ

Friday 13 November 2026 11:20:53 GMT