@rashidbattashy: SERIKALI ZANZIBAR YATANGAZA VIWANGO VYA MWENDO BARABARANI ✍🏻 @rashidbattashy Serikali ya Mapinduzi ya Zanzibar imefanya marekebisho ya viwango vya mwendo wa vyombo vya moto katika barabara mbalimbali za Zanzibar, ambapo kiwango cha juu cha mwendo katika maeneo ya biashara, skuli, hospitali, Mji Mkongwe na maeneo yenye mikusanyiko ya watu kimewekwa kuwa kilomita 30 kwa saa. Kwa mujibu wa Amri mpya ya Viwango vya Mwendo vya Kitaifa iliyotangazwa na Waziri wa Ujenzi na Uchukuzi Zanzibar, @dr.khalidsalum , marekebisho hayo yamefanyika kwa kuzingatia maoni ya wananchi na wadau wa usafiri kuhusu viwango vya mwendo vilivyokuwa vikitumika. Katika mabadiliko hayo, barabara zote za mitaa zitatakiwa kuzingatia kiwango cha juu cha kilomita 30 kwa saa, huku barabara za ndani zikiwa na kiwango cha juu cha kilomita 60 kwa saa. Aidha, barabara kuu zilizopo ndani ya miji pamoja na zile zinazoingia mijini zitaruhusu mwendo usiozidi kilomita 80 kwa saa, wakati wa mvua kiwango cha juu cha mwendo katika barabara zote za Zanzibar kitakuwa kilomita 30 kwa saa. Serikali imesisitiza kuwa madereva wanapaswa kuzingatia pia alama za barabarani, ambapo endapo bango litaonesha kiwango maalumu cha mwendo, dereva atalazimika kufuata kiwango kilichooneshwa. Hatua hiyo ni sehemu ya juhudi za Serikali za kuimarisha usalama barabarani na kupunguza ajali zinazoweza kuepukika, ikiwemo kupitia matumizi ya kamera za barabarani zilizoanza kutumika rasmi mwezi Agosti mwaka 2026. Amri hiyo mpya ya viwango vya mwendo inatarajiwa kuanza kutekelezwa rasmi Desemba Mosi, 2026.

Rashid battashy

Open In TikTok:

Region: TZ

Friday 13 November 2026 12:49:25 GMT