သူတော့မသိဘူး..ကိုယ်ကတော့ အခုထိ အရင်တိုင်းလွမ်းနေတုန်းပါပဲ၊၊ သူ့အတွက်တော့ အရာအားလုံးက ပြီးဆုံးသွားခဲ့ပြီ ဖြစ်နိုင်ပေမဲ့ ကိုယ်အတွက်တော့ အဲ့ဒီအချိန်တွေက ဒီနေ့အထိ မပြီးဆုံးနိုင်သေးဘူး၊၊တခါတလေ ဘာမှမဖြစ်သလိုနေနိုင်ပါတယ်၊၊ရယ်စရာရှိရင်ရယ်တယ်၊စကားပြောစရာရှိရင်ပြောတယ်၊၊ဒါပေမဲ့ ညဘက်တွေတိတ်ဆိတ်သွားတဲ့ အခါကျရင်တော့ ကိုယ်ဘယ်လောက်လွမ်းနေခဲ့ရလဲဆိုတာ ကိုယ့်ကိုယ်ကိုယ်တောင် ဖုံးကွယ်လို့မရတော့ဘူး၊၊ အရင်ကနေ့တိုင်းပြောဖြစ်ခဲ့တဲ့စကားတွေ၊သူ့အသံလေးတွေ၊ အလုပ်ပြီးလို့ပြန်လာတဲ့အချိန် စကားပြောခဲ့ကြတာလေးတွေကို ပြန်သတိရမိတိုင်း ရင်ထဲမှာတစ်ခုခုလစ်ဟာသွားသလိုပဲ၊၊ အဆိုးဆုံးကတော့ ကိုယ်လွမ်းနေတဲ့သူဟာ ကိုယ့်ကို လွမ်းနေချင်မှလွမ်းနေမှာ၊၊ကိုယ်ပြန်တွေ့ချင်နေတဲ့ သူဟာ ကိုယ့်ကိုပြန်တွေ့ချင်မှတွေ့ချင်မယ်ဆိုတာ သိနေရင်းနဲ့တောင် သတိရနေမိတာပါပဲ၊၊ တစ်ခါတစ်လေဖုန်းလေးကိုင်ပြီး စာပို့ချင်စိတ်တွေဖြစ်လာတယ်၊၊ နေကောင်းရဲ့လား၊အဆင်ပြေရဲ့လား၊ပင်ပန်းနေလားလို့ မေးချင်မိတယ်၊၊ဒါပေမဲ့ ကိုယ်ပို့လိုက်တဲ့ စာတစ်စောင်က သူ့အတွက်အနှောင့်အယှက် ဖြစ်သွားမှာကိုကြောက်လို့ ပြန်ဖျတ်လိုက်ရတဲ့စာတွေ အများကြီးပါပဲ၊၊ ကိုယ်ကသူ့ကိုမေ့သွားပြီလို့ ဘယ်သူ့ကိုမှမပြောချင်ဘူး၊၊မေ့နိုင်သေးတာလည်းမဟုတ်ဘူးလေ၊၊ တကယ်တော့ ကိုယ်လိုချင်ခဲ့တာ သူ့ဆီကအများကြီးမဟုတ်ဘာဘူး၊၊အရင်လိုစကားလေးတွေပြောရမယ်၊တနေ့တာ ပင်ပန်းမှုတွေကို အချင်းချင်းပြောပြခွင့်ရမယ်၊သူ့ဘေးမှာ ကိုယ်ရှိနေခွင့်ရမယ်၊ဒီလောက်ပါပဲ၊၊ ဒါပေမဲ့ အခုတော့ဒီအရာလေးတွေကိုယ်တောင် ပြန်တမ်းတခွင့်မရှိတော့ဘူး၊၊ သူကတော့ ကိုယ်မရှိတဲ့ဘဝမှာ အဆင်ပြေနေမှာပါ၊၊ကိုယ်ကသာသူနဲ့ပက်သက်ခဲ့ဖူးတဲ့ အမှတ်တရလေးတွေကို ရင်ထဲမှာ သိမ်းထားရင်း အမြဲတမ်းမျက်ရည် ကျနေမိတာပါ၊၊ တကယ်ကိုရင်နာ ပါတယ်..တစ်ချိန်ကကိုယ့် အတွက်အရေးကြီးဆုံးလူတစ်ယောက်ဟာ နောက်ဆုံးမှာ ကိုယ်နဲ့ဘာမှမဆိုင်တော့တဲ့လူတစ်ယောက်ဖြစ်သွားရတာကိုပေါ့၊၊ သူတော့မသိဘူး...ကိုယ်ကတော့ဘယ်တော့မှ မေ့လို့ရမှာမဟုတ်ပါဘူး။💔 #foryou - @iao196