@dovletinelitasi: Səadət Vidadi qızı Yusifova Azərbaycan Respublikası mədəniyyət nazirinin müavini Doğum tarixi və təhsili Səadət Vidadi qızı Yusifova 4 noyabr 1973-cü ildə anadan olmuşdur. Bakı Dövlət Universitetinin və Fransanın Robert Şuman Universitetinin məzunudur. Hüquq üzrə fəlsəfə doktorudur. Əmək fəaliyyəti 1998-ci ildə “Hər gün” qəzetində jurnalist kimi əmək fəaliyyətinə başlamışdır. Sonralar Bakı Dövlət Universitetinin Beynəlxalq hüquq kafedrasında müəllim kimi çalışmış, Azərbaycan Hüquqşünasları Konfederasiyasının İdarə Heyətinin üzvü olmuşdur. Müxtəlif illərdə Azərbaycan Respublikası Prezidentinin Administrasiyasında bir sıra məsul vəzifələrdə, o cümlədən Hüquq-mühafizə orqanları ilə iş şöbəsində baş məsləhətçi vəzifəsində çalışmışdır. 11 aprel 2014-cü ildə Prezident Administrasiyasının Siyasi təhlil və informasiya təminatı şöbəsinin müdiri təyin edilmişdir. 18 iyun 2014-cü ildə ona inzibati vəzifələrin birinci təsnifatı üzrə 1-ci dərəcə dövlət müşaviri ixtisas dərəcəsi verilmişdir. 31 may 2017-ci ildə Prezident Administrasiyasının Strateji araşdırma və planlaşdırma şöbəsinin müdiri, 30 noyabr 2019-cu ildə isə Qeyri-hökumət təşkilatları ilə iş və kommunikasiya şöbəsi müdirinin müavini vəzifəsinə təyin olunmuşdur. Hazırkı vəzifəsi Azərbaycan Respublikası Prezidentinin 1 mart 2023-cü il tarixli Sərəncamı ilə Azərbaycan Respublikasının mədəniyyət nazirinin müavini vəzifəsinə təyin edilmişdir. Dövlət təltifi 27 iyun 2013-cü ildə dövlət qulluğunda səmərəli fəaliyyətinə görə “Dövlət qulluğunda fərqlənməyə görə” medalı ilə təltif olunmuşdur. #dövlətinelitası #mədəniyyətnazirliyi
