@sgpt: علاقة توني وكريستوفر من أكثر العلاقات المعقدة في The Sopranos، لأنها مو بس علاقة عم بولد أخوه أو زعيم بواحد من رجاله، أحسها أقرب لعلاقة أب وولده بس بطريقة توكسك. مثل كيف أن توني يشوف كريستوفر كأنه نسخة أصغر منه يقدر يتحكم فيها ويسوي اللي يبي فيه، لكن ما يتقبل استقلاله بالكامل الي ما يبيه يصير أحسن منه. وأما كريستوفر أحسه يدور المدح والاعتراف من توني أكثر من أي شي ثاني، مثل كيف أن رأي توني يأثر فيه مرة! وكأنه يسوي كل شي بس عشان يثبت له أنه يستحق احترامه وأنه يفتخر فيه. وأكثر شي أحبه فيهم أن بينهم مشاعر حقيقية، لكن الحب عندهم مختلط بالسيطرة والاستغلال والغيرة، وهذا اللي يفككها، وتوني أحياناً يهتم بكريستوفر ويعلقه فيه وبعدين يقلل منه ويعامله كأنه تابع عنده. وأكثر شي يحزن كيف أن كريستوفر أقل شي كان يتمناه هو شخصية أبويه تعطيه التقدير والاحتواء، لكن توني ما قدر يكون هذا الشخص#fyp #حلاوة_اللقاء