@sharminshex: دایک جوانترین و شیرینترین و ناسکترین وشەیە.. دایک مەزنترین و بە نرخترین شتە لە گەردووندا.. سکی دایک پیرۆزترین نیشتمانە.. دایک خۆشەویستترین و دڵسۆزترین و میهرەبانترین کەسە لە هەموو ژیاندا.. لە ژیانی هیچ کەسێکدا ئافرەتێک نییە کە بەبێ بەرانبەر و بەبێ منەت ئەو هەموو سۆز و خۆشەویستییەی پێ ببەخشێت، تەنها و تەنها دایکە ئەو سۆز و خۆشەویستییە ڕاستەقینە، بێ بەرانبەرە دەبەخشێت. دایک سمبوڵی ژیانە.. هێمای خۆشەویستی و بەخشین و قوربانی‌دان و دڵنەوازی و دڵسۆزییەکی بێ سنوورە.. دایک کانیەکی ڕوونی هەمیشەییە، خۆرە و سۆز و خۆشەویستی لێ هەڵدەقوڵێت.. ئەو دایکمان بوو پێش ئەوەی ڕووناکی لە چاوەکانماندا هەڵبێت، لە باوەشی دەگرتین و نووساندنی بە سنگییەوە.. ئەوە دایکمان بوو، شەو تا بەیانی بەدیارمانەوە ئێشکی دەگرت و نانازی و ڕایدەژنین و بە لایە لایە و گۆرانییەوە دەیکردینە خەو.. ئەوە دایکمان بوو تیشک و ئازارەکانمانی هەڵدەبردەوە و زامەکانمانی ساڕێژ دەکرد و دەستی بە سەرماندا دەهێنا و بە چەند ماچێکی قووڵی گەرم، بە زەردەخەنە شیرین و ناسکەکانی خەم و ناسۆرییەکانی لەبیر دەبردینەوە.🔗🤍#sharmin #foryoupage #دایک