🗞️ Əbülfəz Elçibəyə qarşı cinayət işi açılmasından 28 il keçir 🔔 13 noyabr 1998-ci ildə Ədliyyə Nazirliyi keçmiş prezident, Azərbaycan Xalq Cəbhəsi Partiyasının (AXCP) sədri Əbülfəz Elçibəyə cinayət işi açıldığını elan etdi. 🤖 Elçibəy prezident postunda olan Heydər Əliyevin şərəf və ləyaqətini ləkələməkdə ittiham olunurdu. 💥 Cinayət işinə səbəb Elçibəyin öncəki həftələrdə bəyanatı olmuşdu. İddiaya görə, o demişdi ki, Heydər Əliyev və Yevgeni Primakov 1970-ci illərdə Türkiyəyə qarşı Sovet siyasətinin tərkib hissəsi olaraq, Kürdüstan Fəhlə Partiyasının (PKK) yaradılmasında mühüm rol oynayıb. 📰 Elçibəy bu iddianı məhkəmə prosesində sübut edə bilmədi. O, həmin dövrdə “Azadlıq” qəzetində məqalələrində yazmışdı ki, PKK 1978-ci ildə yaradılarkən Heydər Əliyev Azərbaycan Kommunist Partiyasının rəhbəri idi və Sovet təhlükəsizlik strukturları ilə əlaqəli yüksək vəzifələrdə çalışmışdı. Elçibəyin fikrincə, Sovet Azərbaycanı PKK-nin fəaliyyət göstərdiyi (Türkiyə, İraq, Suriya) coğrafi ərazilərə yaxın olduğuna görə SSRİ rəhbərliyinin PKK-ni dəstəkləməsi qərarında Azərbaycan SSR, o cümlədən şəxsən Heydər Əliyevin rol oynamasına dair ehtimallar var. 🕴️ Əbülfəz Elçibəy bu fikirlərin görə "prezidentə qarşı təhqir və böhtan atmaq"da ittihamı olunurdu. Həmin ittihama görə 6 ilə qədər həbs cəzası nəzərdə tutulurdu. 📁 13 noyabrda açılan cinayət işi və məhkəmə prosesi cəmi 3 ay çəkdi. ᯓ➤ Fevralın 10-da Prezident Əliyevin qərarıyla Elçibəyə qarşı açılmış cinayət işinə xitam verildi. - @teqvim.info