@infoplyus.tv__: "David Media"nın rəhbəri Atilla Ünsal son günlər barəsində səsləndirilən iddialara və sosial mediada yayılan görüntülərə kəskin reaksiya verib. Şirkət rəhbəri bildirib ki, onun haqqında edilən şikayətlər həqiqəti əks etdirmir və tamamilə öyrədilmiş xarakter daşıyır. O qeyd edib ki, heç bir təzyiq olmadan şikayətçilər özləri artıq həqiqəti anlayırlar: "Şikayətçilərin bir çoxu artıq reallığı dərk edib və könüllü şəkildə şikayətlərini geri götürüblər. Digər bir qismi isə sadəcə vaxt məhdudiyyəti səbəbindən hələ müraciət edə bilməyib, lakin onlar da yaxın günlərdə gəlib şikayətlərini geri götürəcəklər." Sosial mediada yayılan və guya ticarət mərkəzinin (AVM) rəhbərliyi tərəfindən ofisdən qovulması ilə bağlı iddialara gəlincə, Atilla Ünsal bunu qətiyyətlə təkzib edib. O vurğulayıb ki, onları heç kim qovmayıb — sadəcə əvvəlki məkanın tamamilə şəraitsiz olması səbəbindən öz istəkləri ilə yuxarı, 7-ci mərtəbədə yerləşən daha sərfəli, əlverişli və yüksək şəraitli ofisə köçüblər. Şirkət rəhbəri media nümayəndələrinə və sosial şəbəkə istifadəçilərinə də xəbərdarlıq edib: "Bu cür məlumatların qarşı tərəfin mövqeyi öyrənilmədən, birtərəfli qaydada yayılması birbaşa qanuna ziddir. Hər kəsi fikrimizi öyrənməyə, peşəkarlıq göstərməyə və bu cür əsassız, yalan informasiyalara inanmamağa çağırırıq."

721

There are no more comments for this video.

To see more videos from user @infoplyus.tv__, please go to the Tikwm homepage.