@mahmoudhouda930: خلي بالك في حركة نصب جديدة منتشرة ممكن تخليك متهم وإنت مفكر نفسك بتعمل خير . كتب : منصور صبره مرة واحدة تلاقي مبلغ دخل محفظتك من رقم غريب متعرفوش . بعدها على طول تلاقي حد بيتصل بيك منهـار: "يا أخي بالله عليك بعت فلوس بالغلط كنت هبعتها لأمي في المستشفى، أبوس ايدك حولهوملي على الرقم ده بسرعة.." استنى هنا وركز .. !! هتلاحظ ان الرقم اللي عايزك تحول عليه غير الرقم اللي بعتلك الفلوس اصلا ويبدأ يحور عليك . أصل ده رقم أخويا، ده رقم المحل، ده رقمي التاني أوعى تصدقه، ده نصاااب محترف . - طب إيه اللي بيحصل .. ؟ الفلوس اللي جاتلك دي في الأساس مسروقة من واحد تاني والنصاب بيستخدم محفظتك انت كـ "كوبري" عشان يغسل الفلوس دي. أول ما تحولها للرقم التاني، انت اللي بقيت في الصورة وانت اللي هتلبس القضية، وهو اختفى . ولما صاحب الفلوس الحقيقي يعمل محضر، المباحث هتوصل لمحفظتك انت. - تتصرف ازاي لو ده حصلك .. ؟ ١- أوعى تلمس الفلوس اللي وصلتك، سيبها في المحفظة زي ما هى. ٢- مستحيل تحول جنيه واحد لرقم تاني مهما قعد يحلف ويعيط. ٣- رد عليه بجملة واحدة بس: "فلوسك عند الشركة، كلم خدمة العملاء وهى هترجعهالك" ٤- اعمله بلوك فوراً وكلم خدمة عملاء فودافون كاش / اتصالات كاش وبلغهم. - احفظ القاعدة دي : الفلوس الصح بترجع بنفس الطريقة اللي جت بيها وعن طريق الشركة، عمرها ما بترجع بتحويل شخصي لرقم غريب. النصاب هو اللي هيفضل يضغط عليك ويقولك انجز بسرعة " و "هتتحاسب قدام ربنا . أما الشخص المحترم بجد هيسمع كلمة "كلم الشركة" وهيقفل وهو مقتنع . اعمل شير للكلام ده، جايز تكون سبب إنك تنقذ واحد غلبان كان هيدخل السجن وهو فاكر نفسه بيعمل خير . ....@

🤎حودا🤎

Open In TikTok:

Region: EG

Friday 13 November 2026 19:20:42 GMT