@abdosamisheikh: لما القرآن يجبر الخاطر قبل الناس ما تجبره 🤍 ...... ..91 سنة والشيخ عوض لسه واقف على رجله، ولسه صوته بيصدح بالقرآن، ولسه قلبه شاب عشان عايش مع كتاب الله. أكبر متسابق في برنامج *دولة التلاوة*، دخل المسرح والناس كلها فاكرة إنه جاي يشارك وخلاص، لكن هو دخل عشان يعلمنا كلنا درس عمرنا ما هننساه: إن اللي معاه القرآن مبيعجزش أبداً. وزارة الأوقاف وصفته وقالت: "هيبة السنين وبركة القرآن.. حنجرة تخطت التسعين تصدح بحب كتاب الله"، وإنه نموذج للإرادة الملهمة للأجيال القادمة وفي اللحظة اللي خلص فيها تلاوته، حصل المشهد اللي خلّى مصر كلها تعيط... الداعية مصطفى حسني ساب مكانه، وراح له، وحضنه، وباس إيده، وفضل ماسك إيده ومطبطب عليه، كأنه بيقوله: "إنت مش متسابق، إنت سيدنا وتاج راسنا كلنا"♥️♥️ ووزير الأوقاف الدكتور أسامة الأزهري كان واقف جنبه، بيحتضنه وبيكرمه، وبيقوله إن البركة كلها في وجوده.❤️❤️❤️ مشهد مفيهوش تمثيل، ومفيهوش بروتوكول.. فيه جبر خاطر بجد. جبر خاطر لرجل أفنى عمره كله في خدمة القرآن، فربنا في آخر عمره بعتله اللي يجبر خاطره قدام الملايين، ويخلي الناس كلها تدعيله. يا شيخ عوض.. إنت مش كسبت مسابقة، إنت كسبت قلوبنا كلنا. ويا رب زي ما جبرت بخاطر عبادك، اجبر بخاطرنا كلنا، واجعل القرآن ربيع قلوبنا ونور صدورنا 🤲🤲

🇪🇬Abdullah

Open In TikTok:

Region: SA

Friday 13 November 2026 20:56:49 GMT