@xeber.axini: Azərbaycan Ordusunda xidmətə yeni başlayan gənc əsgərlərlə görüşlərə müvəqqəti məhdudiyyət tətbiq edilib. Xəbəraxını xəbər verir ki, bu barədə Müdafiə Nazirliyindən məlumat verilib. Bildirilib ki, qərar hərbi qulluqçuların, xüsusilə gənc əsgərlərin sağlamlığının qorunması və respirator xəstəliklərin yayılmasının qarşısının alınması məqsədilə həyata keçirilən profilaktik tədbirlərlə əlaqədardır. Nazirlikdən qeyd olunub ki, hərbi hissələrdə görülən effektiv qabaqlayıcı tədbirlər nəticəsində şəxsi heyət arasında qrip infeksiyası da daxil olmaqla respirator xəstəliklərə yoluxma hallarının qarşısı alınır. Müdafiə Nazirliyi gənc əsgərlərin valideynlərinə və digər vətəndaşlara müraciət edərək tətbiq olunan məhdudiyyəti anlayışla qarşılamağı və əsgərlərin xidmət etdiyi hərbi hissələrə gəlməməyi xahiş edib. Məhdudiyyət aradan qaldırıldıqdan sonra ictimaiyyətə əlavə məlumat veriləcək. #xeber #azərbaycan #ensonxeberler #əsgər
