@shardara_audany_akimdigi: АРМАН РОМАНҰЛЫ ҚАРСЫБАЕВ ҚҰЛМЫРЗА БЕКСҰЛТАН МЕН ЖАТТЫҚТЫРУШЫСЫН ҚАБЫЛДАДЫ Бүгін Шардара ауданының әкімі Арман Романұлы Қарсыбаев Азия ойындары мен Азия параойындарының жеңімпаздары және жүлдегерлерін жоғары мемлекеттік марапаттармен марапаттау рәсімінде Қазақстан Республикасы Президентінің Жарлығымен «Ерен еңбегі үшін» медалімен наградталған жерлесіміз Құлмырза Бексұлтан Нұрланұлын және оның жаттықтырушысы Нұрбол Шаймановты қабылдады. Кездесу барысында аудан әкімі спортшыны жоғары мемлекеттік марапатымен құттықтап, оның халықаралық аренада қол жеткізген жетістігі Шардара ауданы үшін зор мақтаныш екенін атап өтті. Сондай-ақ Бексұлтанның жеңіс жолындағы табандылығы мен қажырлы еңбегіне тоқталып, спортшыны үлкен белестерге жетелеген жаттықтырушы Нұрбол Шаймановтың еңбегіне ерекше алғыс білдірді. Арман Романұлы өз сөзінде спорттағы әрбір жетістіктің артында тынымсыз дайындық, темірдей тәртіп, табандылық және бапкердің кәсіби біліктілігі тұратынын жеткізді. Мұндай жеңістер өскелең ұрпаққа үлгі болып, аудан жастарының спортқа деген қызығушылығын арттыруға ықпал ететінін атап өтті. «Бексұлтанның бүгінгі жетістігі – өзінің табандылығы мен маңдай терінің, сонымен қатар бапкерінің кәсіби шеберлігі мен қажырлы еңбегінің жемісі. Бұл – тек спортшының ғана емес, бүкіл Шардара жұртшылығының қуанышы әрі ортақ мақтанышы. Осындай азаматтарымыздың арқасында ауданымыздың абыройы асқақтап, еліміздің мерейі үстем бола береді деп сенемін», – деді аудан әкімі. Кездесу соңында аудан әкімі Құлмырза Бексұлтан мен жаттықтырушысы Нұрбол Шаймановқа спорт саласындағы елеулі жетістіктері мен ауданның абыройын асқақтатуға қосқан үлестері үшін алғыс хаттар табыстап, демеушілер есебінен арнайы сый-сияпаттар ұсынды. Бұл – спортшылардың еңбегін бағалап қана қоймай, аудан спортын дамытуға үлес қосып жүрген азаматтарға көрсетілген құрметтің белгісі. Құлмырза Бексұлтан мен жаттықтырушысы Нұрбол Шаймановты лайықты марапаттарымен шын жүректен құттықтаймыз! Алдағы уақытта да толағай табыстарға жетіп, жеңіс тұғырынан көріне беріңіздер! Шардараның мерейін үстем етіп, көк Туымызды биікте желбірете беріңіздер! #шардара #түркістан #спорт #жетісай

Шардара ауданы әкімдігі

Open In TikTok:

Region: KZ

Saturday 14 November 2026 09:28:36 GMT