@snkz.media: Қазақстан Президенті Қасым-Жомарт Тоқаев пен танымал әнші Димаш Құдайберген әлемдегі ең ықпалды 500 мұсылманның жыл сайынғы рейтингіне енді. Бұл туралы The Muslim 500 басылымының жаңа шығарылымында жарияланды. Рейтингті Иордания астанасы Амман қаласында орналасқан Корольдік ислам стратегиялық зерттеулер орталығы әзірлеген. Биыл Қасым-Жомарт Тоқаев «Саясат» санатына енгізілсе, Димаш Құдайберген «Өнер және мәдениет» бөлімінен орын алған. Рейтинг көшін кімдер бастады? Биылғы рейтингтің алғашқы орындарында Сауд Арабиясының королі Салман ибн Абдулазиз, тақ мұрагері Мұхаммед ибн Салман, Пәкістан премьер-министрі Шехбаз Шариф, Пәкістан фельдмаршалы Асим Мунир және Түркия президенті Режеп Тайип Ердоған бар. Сондай-ақ тізімге Иранның жоғарғы көшбасшысы Моджтаба Хаменеи мен Иордания королі Абдалла II енген. Орталық Азия елдері арасында ең жоғары көрсеткішке Өзбекстан президенті Шавкат Мирзиёев қол жеткізді. Ол 40-орынға тұрақтап, алғаш рет рейтингтің үздік 50 қатысушысының қатарына қосылды. Бұдан бөлек, тізімде Әзербайжан президенті Ильхам Әлиев пен Шешенстан басшысы Рамзан Қадыров та бар. Ал танымал спортшы Хабиб Нурмагомедов арнайы құрмет белгісіне ие болған.