@bes_arys_media: Мұғалімді моральға қайшы қылығы үшін жұмыстан шығаруға бола ма? Конституциялық сот жауап берді Қазақстанда тәрбиелеу функциясын атқаратын қызметкерді, яғни мұғалімді, тәрбиешіні, жұмысын жалғастырумен сыйыспайтын моральға қайшы қылығы үшін жұмыстан шығаруға болады. Мұны Конституциялық сот 12 қарашада шығарған шешімінде растады. Шағымданған әйелді мектептің педагогикалық этика жөніндегі кеңесінің шешімімен жұмыстан шығарған. Ол алдымен келісім комиссиясына, одан кейін сотқа жүгінген. Нәтиже шықпаған соң, Еңбек кодексінің 52-бабындағы нормаға шағым түсірген. Оның пікірінше, «моральға қайшы қылық» дегеннің нені білдіретіні заңда нақты жазылмаған. Конституциялық сот онымен келіспеді. Сот бұл ұғымның табиғаты бағалауыш екенін айтты. Қылықтардың түгел тізімін заңға жазу мүмкін емес, сондықтан әр жағдай жеке қаралады, мән-жайлар мен кәсіби нормалар ескеріледі. Норма жеткілікті айқын деп танылып, Еңбек кодексінде қала береді. Әйелдің ісі бойынша бұрын шыққан сот шешімдері өзгеріссіз қалды. Қарапайым тілмен айтсақ, мұғалімнің жұмыстан шығарылуы заңды ма, жоқ па, оны әр істе сот жеке қарап шешеді. #казахстан🇰🇿 #алтыалаш #казахстан #fly #астана

Алты Алаш

Open In TikTok:

Region: KZ

Saturday 14 November 2026 10:19:02 GMT