@snayper.218: Yasamal rayonunda “Bir bayrağın kölgəsində” mövzusunda tədbir keçirilib “Şəhərsalma və Memarlıq İli” çərçivəsində Yasamal rayonu 161 nömrəli tam orta məktəbdə “Bir bayrağın kölgəsində” mövzusunda tədbir keçirilib. Tədbirdə Yeni Azərbaycan Partiyası (YAP) Yasamal rayon təşkilatının sədri Bəxtiyar Nəbiyev, Yasamal Rayon İcra Hakimiyyəti başçısının müavini Təravət Muradova, Milli Məclisin deputatları Mehriban Vəliyeva, Vüqar İskəndərov və Şahin Seyidzadə, Milli Müdafiə Universitetinin Təlim və Tədris Mərkəzinin rəisi, Vətən Müharibəsi Qəhrəmanı Nizami Mövlanov, şəhid ailələrinin üzvləri, qazilər, müharibə iştirakçıları, Yasamal rayonu Xüsusi Təyinatlıların Qaziləri, Şəhid Ailələri və Veteranları İctimai Birliyinin Yasamal filialının üzvləri, məktəbin müəllim kollektivi və şagirdlər iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ümummilli Lider Heydər Əliyevin və Azərbaycanın ərazi bütövlüyü, müstəqilliyi və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Tədbir çərçivəsində 8 Noyabr – Zəfər Gününə həsr olunmuş videoçarx nümayiş etdirilib, daha sonra məktəbin müəllim və şagird kollektivi tərəfindən bədii kompozisiyalar təqdim olunub. Tədbirdə Azərbaycan dövlətçiliyinin möhkəmləndirilməsində milli birliyin, həmrəyliyin və vətənpərvərlik ruhunun müstəsna əhəmiyyəti vurğulanıb. Qeyd olunub ki, Azərbaycan Respublikasının Dövlət Bayrağı xalqımızın azadlığının, müstəqilliyinin, milli kimliyinin və dövlət suverenliyinin rəmzidir. “Bir bayrağın kölgəsində” mövzusu da məhz xalqımızı birləşdirən ortaq dəyərləri, Vətənə bağlılığı, milli həmrəyliyi və dövlətçilik ideallarına sədaqəti özündə ehtiva edir. Bildirilib ki, 44 günlük Vətən müharibəsində qazanılmış tarixi Zəfər Azərbaycan xalqının sarsılmaz iradəsinin, ordumuzun qəhrəmanlığının, xalq-dövlət-ordu birliyinin parlaq təzahürüdür. Bu Qələbə həm də milli qürurumuzun, tarixi ədalətin və dövlət suverenliyimizin təntənəsidir.

1030

There are no more comments for this video.

To see more videos from user @snayper.218, please go to the Tikwm homepage.