@murat.orazbay: ТҰРҒЫНДАР ҚАУІПСІЗДІГІ – БАСТЫ НАЗАРДА! Сайрам ауданының әкімі Мадияр Мұхтарұлы Оразалиевтің тапсырмасына сәйкес аудан аумағында жылыту маусымында қауіпсіздік шараларын күшейту және төтенше жағдайлардың алдын алу мақсатында профилактикалық түсіндіру жұмыстары жүргізілуде. Осындай кезекті іс-шара Ақсукент ауылдық округінде аудан әкімінің қатысуымен ұйымдастырылды. Іс-шара барысында аудан әкімі тұрғындардың қауіпсіздігін қамтамасыз ету және төтенше жағдайлардың алдын алу мақсатында әрбір үйге жеке-жеке кіріп, тұрғындармен тікелей түсіндіру жұмыстарын жүргізудің маңыздылығын атап өтті. Шараға ауылдық округі әкімі аппаратының қызметкерлері, Сайрам аудандық төтенше жағдайлар басқармасының, «Сайрам аудандық газ және тұрғын үй инспекциясы» коммуналдық мемлекеттік мекемесінің және аудандық Жастар ресурстық орталығының өкілдері қатысты. Түсіндіру жұмыстары барысында тұрғындарға жылыту құралдарын қауіпсіз пайдалану, өрт қауіпсіздігі талаптарын сақтау және тұрмыстық газды пайдалану кезіндегі сақтық шаралары түсіндірілді. Сонымен қатар ақпараттық жадынамалар таратылды. Бұдан бөлек, әлеуметтік қолдауды қажет ететін тұрғындардың қауіпсіздігін арттыру мақсатында бірқатар тұрғын үйлерге газ дабылқаққыштары (газ сигнализаторлары) орнатылды. Тұрғындардың өмірі мен денсаулығын қорғау, өрт және газдан улану оқиғаларының алдын алу бағытындағы профилактикалық түсіндіру жұмыстары алдағы уақытта да жалғасын табады. #Ақсукент #ТұрғындарҚауіпсіздігі #жылытумаусымы #жылытпауыммен @akimat_sairam @Мадияр Оразалиев
