@library900: "ယောက်ျားတစ်ယောက် စိတ်ကျနေရင် ဘယ်သူ့ကို ခေါ်မလဲ" အပြင်ပန်းမှာတော့ အမြဲလိုလို ပြုံးနေတယ်။ သူငယ်ချင်းတွေနဲ့တွေ့ရင်လည်း ရယ်တယ်။ အလုပ်သွားရင်လည်း ပုံမှန်ပဲ။ စကားပြောရင်လည်း ပုံမှန်ပဲ။ ဘာမှမပြောင်းလဲသလိုပဲ။ ဒါပေမယ့် သူ့စိတ်ထဲမှာတော့ အရာရာက တစ်ခုချင်းစီ ပြိုကျနေတတ်တယ်။ အလုပ်အဆင်မပြေတာရှိတယ်။ ပိုက်ဆံကိစ္စရှိတယ်။ မိသားစုအတွက် စိတ်ပူနေရတယ်။ အနာဂတ်ကို ဘယ်လိုဆက်သွားရမလဲ မသိတော့တဲ့အချိန်တွေလည်းရှိတယ်။ ဒါပေမယ့် ဘယ်သူ့ကိုမှ မပြောဘူး။ “ငါစိတ်ညစ်နေတယ်” လို့ မပြောဘူး။ “ငါမနိုင်တော့ဘူး” လို့ မပြောဘူး။ “ငါကြောက်နေတယ်” လို့လည်း မပြောဘူး။ မေးရင်တော့ “အဆင်ပြေပါတယ်” ဆိုပြီး ပြုံးပြလိုက်တယ်။ တစ်ခါတလေ သူ့ဘဝမှာ ဘာတွေဖြစ်နေမှန်း သူ့အနီးဆုံးလူတွေတောင် မသိကြဘူး။ ညဘက် တစ်ယောက်တည်းဖြစ်မှ တစ်နေ့လုံး မပြောခဲ့တဲ့အရာတွေကို တစ်ယောက်တည်း ပြန်တွေးတယ်။ မနက်ကျတော့လည်း မျက်နှာသစ်၊ အဝတ်လဲပြီး ဘာမှမဖြစ်ခဲ့သလို ပြန်ထွက်လာတယ်။ အဲ့ဒါကြောင့် ယောက်ျားတစ်ယောက် ပြုံးနေတာကိုကြည့်ပြီးသူအဆင်ပြေနေတယ်လို့ မထင်လိုက်နဲ့။ တချို့အပြုံးတွေက ပျော်လို့မဟုတ်ဘူး။ ကိုယ်ဘယ်လောက်ပဲ ပြိုကျနေပါစေ သူများရှေ့မှာ မပြိုလဲချင်လို့ ပြုံးထားတာ။ ယောက်ျားတစ်ယောက် စိတ်ကျနေရင် ဘယ်သူ့ကို ခေါ်မလဲ။ ဘယ်သူ့ကိုမှ မခေါ်ဘူး။ ဘယ်သူ့ကိုမှ မပြောပြဘူး။ ကျိတ်ပြီးပဲ ခံတယ်။ အပြင်ပန်းကတော့ မနေ့ကလိုပဲ ပြုံးနေတယ်။ စကားပြောတာလည်း မပြောင်းဘူး။ အလုပ်လုပ်တာလည်း မပြောင်းဘူး။ ဒါပေမယ့် သူ့အတွင်းထဲမှာတော့ သူကိုယ်တိုင်တောင် မမြင်ရတဲ့နေရာမှာ တိတ်တိတ်လေး ပြိုကျနေတတ်တယ်။ ✍ _ (Credit) #snake #လူငယ်များအတွက်စာကြည့်တိုက်📚 #foryou #myanmartiktok #fpyシ

လူငယ်များအတွက် စာကြည့်တိုက် 📚

Open In TikTok:

Region: MY

Saturday 14 November 2026 11:34:41 GMT