@vetenseneoguldedi: Azərbaycan Kikboksinq Federasiyasının milli yığma komandasının 2026-cı il noyabrın 06–15 -da Şimali Makedoniyanın Skopye şəhərində keçirilən Avropa çempionatında final görüşlərinə yüksələn idmançıları Amil Quliyev və Elvin Məmmədov rəqibləri üzərində qələbə qazanaraq Avropa çempionu tituluna layiq görülüblər. Amil Quliyev böyüklər arasında birqat Wako dünya çempionu olmaqla yanaşı, ikinci dəfə WAKO Avropa çempionu titulunu qazanaraq öz uğurlarına daha bir möhtəşəm nailiyyət əlavə edib. Elvin Məmmədov isə böyüklər arasında ikiqat Wako dünya çempionu və üçüncü dəfə WAKO Avropa çempionu adını qazanıb. Xüsusilə qeyd etmək lazımdır ki, Elvin Məmmədov dünya və Avropa çempionatlarında indiyədək məğlubiyyət tanımayan idmançılarımızdan biridir. Onun beynəlxalq arenada nümayiş etdirdiyi yüksək idman ustalığı, əzmkarlığı və ardıcıl qələbələri Azərbaycan kikboksinqinin nüfuzuna mühüm töhfədir. Hər iki idmançımızı bu möhtəşəm qələbələr münasibətilə ürəkdən təbrik edir, onlara gələcək yarışlarda yeni-yeni uğurlar arzulayırıq.

Vətənoğlu

Open In TikTok:

Region: AZ

Saturday 14 November 2026 13:13:17 GMT