@.reda.alimr: هو مين الشيخ اللي أبكى وزير الأوقاف والشيخ مصطفى حسني في برنامج دولة التلاوة وليه اتصدر الترند وخلى كل المتابعين يبحثوا عنه ؟ حكاية الشيخ عوض الفردي أكبر متسابق في «دولة التلاوة» حكاية عمرها 85 سنة مع القرآن! الشيخ عوض الفردي من مركز أبو حمص بمحافظة البحيرة، بدأ رحلته مع القرآن وهو عنده 6 سنين، لكن الطريق مكنش مفروش بالورود.. نشأ يتيم، ومكانش فيه حد يتابعه في الحفظ، واضطر يشتغل في الزراعة علشان يوفر لقمة عيشه، وده أخّر رحلته مع كتاب ربنا. لكن الراجل ماسيَبش حلمه.. ولما تعب من شغل الزراعة، رجع تاني للكُتّاب علشان يكمل حفظ القرآن، وفضل متعلق بيه لحد ما بقى بيختم المصحف كل يومين، وبيخصص حوالي 6 ساعات يوميًا لدراسة أحكام التلاوة والقراءات. والأجمل إنه مش بس حافظ للقرآن، ده كمان اشتغل مقيم شعائر في المساجد أكتر من 50 سنة، وفتح كُتّاب بيحفظ فيه القرآن للأطفال، علشان ينقل للأجيال الجديدة اللي عاش عمره كله بيتعلمه. لكن إزاي وصل لـ«دولة التلاوة»؟ الحكاية بدأت لما تلميذه الشيخ أحمد عامر شجعه يقدم في البرنامج، خصوصًا إنه مكانش بيتابع الموسم الأول، لأنه معندوش تلفزيون في البيت! والشيخ عوض قال إنه من كتر فرحته بالمشاركة منامش يومين، وكان فاكر إن المسابقة للشباب والأطفال، لكن كان نفسه يقف على المنصة دي طول عمره. وهنا كانت اللحظة اللي محدش ينساها.. الدكتور أسامة الأزهري قام من مكانه واحتضنه، وقاله: «أنت تاج راسنا»، بينما مصطفى حسني مقدرش يتمالك دموعه، وصعد على المسرح يقبّل إيده وراسه، وقاله: «أنا مش شايف غير أنوار النبي». أما الشيخ عوض فكان بيقول لوزير الأوقاف: «دعيتلك وبدعيلك على طول، ربنا يباركلك في صحتك ومالك». حكاية راجل أثبت إن الأحلام ملهاش سن، وإن القرآن مش مجرد رحلة حفظ.. ده عمر كامل من الحب والإخلاص.

✿❀𝑅𝑜𝓈𝑒 𝒬𝓊𝑒𝑒𝓃❀✿ :

هز القلوب واقشعرت له الأبدان ربنا يبارك في صحته وتفضلي يابلدي عامره بأمثالهم🥰

إبتسام علي السيسي :

عمي صلاح👌

Lamia Ziad :

انا بحب وبحترم الاستاذ مصطفى حسني

قلبي غزلايه :

الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله الله

امال عثمان البرجسي :

ماشاء الله تبارك

AhmedRabea :

ربنا يحفظه

Rasha :

دا احنا بعاد اوي والله الراجل دا كسفنا كلنا والله

👑Sara Al-Najdi 👑 :

اللهم بارك

Mai :

91 سنه اللهم بارك وليس 85

om :

عم الشيخ عوض ويبارك في عمرك

shaban saad :

داخل القلوب وﷲ العظيم

Ahmed bogy :

احنا بعيد فعلا اوي. ربنا يهدينا يارب. يارب. اهديني يارب وخد بايدي

o.mostafa :

طب احنا فين ماشاء الله تبارك الله ربنا يبارك فيك ويهدنيا جميعا اللهم امين امين يارب العالمين

السلطانة عبير :

الله الله الله

Ma

كانه من زمن الصحابة

الملكه صفصف :

نشأ الله تبارك الله

الله حبيبي :

اللهم ربي صلي وسلم وبارك على سيدي وحبيبي محمد عدد خلقه ورضا نفسه وزنه عرشه ومداد كلماته يا رب يا حبيبي اهديني ليك انا وكل المسلمين يا رب العالمين

Mona Hassan :

لقد اهتز قلبي بسم الله ما شاء الله ربنا يبارك في عمرك يا شيخ

nnnn :

ماشاء الله

ريماس قلبى :

بسم الله ماشاء الله

user5141817032767 :

أللهم بارك ربنا يعطيه الصحه والعافيه يارب العالمين

Zeinab Awad :

الله اكبر

ابو يونس :

🥺🥺🥺

احمد😒🫡 العتماني :

🥰🥰

Aya Atef :

🥰🥰🥰