ہم میں سے بہت سے لوگ اپنی خوشی کو مستقبل کے ساتھ جوڑ دیتے ہیں۔ کوئی کہتا ہے کہ جب اچھی نوکری ملے گی تو خوش ہوں گا۔ کوئی سوچتا ہے کہ جب اپنا گھر بن جائے گا تو سکون ملے گا۔ کوئی پرانی غلطیوں پر پچھتاتا رہتا، جبکہ کوئی آنے والے کل کی فکر میں آج کا سکون بھی کھو دیتا ہے۔ یوں دن گزرتے رہتے ہیں، لیکن انسان کا ذہن کبھی ماضی میں ہوتا ہے اور کبھی مستقبل میں۔ زندگی صرف اس دن کا نام نہیں جب آپ اپنی منزل پر پہنچیں گے۔ زندگی وہ سفر بھی ہے جو آپ آج طے کر رہے ہیں۔ کہیں ایسا تو نہیں کہ آپ زندگی گزارنے کے بجائے صرف انتظار کر رہے ہیں؟ کیا کبھی ایسا ہوا ہے کہ کئی سال پہلے کی کوئی غلطی آج بھی آپ کو پریشان کرتی ہو؟ آپ سوچتے ہوں کہ کاش میں نے اس وقت وہ بات نہ کہی ہوتی، وہ فیصلہ نہ کیا ہوتا یا اس موقع کو ضائع نہ کیا ہوتا۔ غلطی پر افسوس ہونا فطری بات ہے۔ لیکن جب ہم بار بار اسی واقعے کو ذہن میں دہراتے رہتے ہیں تو مسئلہ حل ہونے کے بجائے ہماری پریشانی بڑھتی ہے۔ #husan_prst #husan_prst🌼 #unfrezzmyaccount #trendingsound #unfreeze - @husan_prst