@userrovsenmemmedov: Writing MÜHARİBƏ VETERANLARI UNUDULMAMALIDIR! Onlar da bu Vətənin müdafiəsi uğrunda canlarını təhlükəyə atıblar! Son zamanlar Azərbaycan sosial şəbəkələrində müharibə veteranlarının haqlı narazılıqlarını, sosial problemlərini və dövlət qurumlarına ünvanladıqları müraciətləri tez-tez görürük. Təəssüfləndirici haldır ki, illərdir səsləndirilən bu problemlərin bir çoxu hələ də öz həllini tapmayıb. Ən ağrılı məqam isə odur ki, Vətən uğrunda döyüşmüş insanların bir qismi problemləri ilə baş-başa qalıb, onların səsinə lazımi səviyyədə cavab verilmir. Bəs sual olunur: Müharibə veteranları Azərbaycan dövlətinin və cəmiyyətinin diqqətindən kənarda qalmalıdırmı? Onların Vətən qarşısında xidmətləri nə vaxt layiqincə qiymətləndiriləcək? Əvvəlcə bir məsələni xüsusi vurğulamaq istəyirəm. Müharibə əlillərinə dövlət tərəfindən göstərilən diqqət və qayğı, onların mənzillə, avtomobillə və digər sosial təminat vasitələri ilə təmin olunması təqdirəlayiqdir. Onlar bu qayğının nəinki indiki, hətta daha yüksəyinə layiqdirlər. Çünki Vətən uğrunda sağlamlıqlarını itiriblər, ömürlük fiziki məhdudiyyətlərlə yaşamağa məcbur olublar. Ancaq bir həqiqəti də unutmayaq: Müharibədə ağır yaralanmayan veteranın da Vətən qarşısında xidməti az deyil! Müharibə veteranları da səngərdə olublar, düşmənlə üz-üzə gəliblər, atəş altında döyüşüblər. Onlar silahdaşları ilə birlikdə torpaqlarımızın müdafiəsində iştirak edib, şəhidlərimizin və yaralı döyüş yoldaşlarımızın döyüş meydanından çıxarılmasına kömək göstəriblər. Öz həyatlarını təhlükəyə ataraq başqalarının həyatını xilas ediblər. Hər birimiz anlamalıyıq ki, müharibədə iştirak etmək üçün mütləq qolunu, ayağını və ya başqa bir əzasını itirmək şərt deyil. Düşmənlə üz-üzə gəlmək, güllə və mərmi yağışı altında döyüşmək, ölüm təhlükəsi ilə üzləşmək, silahdaşını xilas etmək də böyük qəhrəmanlıqdır . Bəzi veteranlar müharibədən fiziki yarasız qayıtsalar da, müharibənin görünməyən yaralarını ömürlərinin sonuna qədər daşıyırlar. Ağır psixoloji sarsıntılar, müharibə travmaları, müxtəlif xəstəliklər, yuxusuz gecələr və illərlə davam edən sağlamlıq problemləri onların həyatının ayrılmaz hissəsinə çevrilib. Bu gün həmin insanların bir çoxu artıq dünyasını dəyişib. Sağ qalanların bir qismi isə yataq xəstəsidir, səhhətində ciddi problemlər var və işləmək imkanından məhrumdur. Onların arasında Birinci Qarabağ müharibəsinin veteranları da var. Bir zamanlar Vətənin müdafiəsinə qalxan, bu gün isə öz sağlamlığı ilə mübarizə aparan insanlar! Bəs onların sosial müdafiəsi kimlərin məsuliyyətindədir? VETERANLARIN PENSİYA YAŞI YENİDƏN NƏZƏRDƏN KEÇİRİLMƏLİDİR! Azərbaycanda müəyyən güzəştli kateqoriyalara aid şəxslər üçün qanunvericilikdə vaxtından əvvəl pensiyaya çıxmaq imkanları nəzərdə tutulur. Bəs müharibə veteranlarının bu məsələdə sosial vəziyyəti niyə ayrıca qiymətləndirilməsin? Təklif edirik ki, müharibə veteranlarının pensiya təminatı məsələsinə yenidən baxılsın və onların xidmətləri, sağlamlıq vəziyyəti, müharibə travmaları və əmək qabiliyyətinin itirilməsi nəzərə alınaraq güzəştli pensiya mexanizmi yaradılsın. Xüsusilə uzun illərdir işləmək imkanını itirmiş, müxtəlif xəstəliklərdən əziyyət çəkən və maddi çətinliklərlə üzləşən veteranların sosial vəziyyəti diqqətlə araşdırılmalıdır. Müharibə veteranlarının 65 yaşını gözləmədən, təklif olaraq 50–53 yaş aralığında güzəştli pensiya hüququnun müəyyənləşdirilməsi məsələsi Milli Məclisdə ciddi şəkildə müzakirəyə çıxarılmalıdır. Bu, sadəcə bir güzəşt tələbi deyil. Bu, Vətən qarşısında xidmət etmiş insanların uzun illər ərzində çəkdikləri əziyyətin, itirdikləri sağlamlığın və əmək qabiliyyətlərinin sosial baxımdan tanınması məsələsidir. 80 MANATLIQ MÜAVİNƏT BU GÜNÜN REALLIQLARINA UYĞUN DEYİL! Bu gün ölkəmizdə ərzaq, dərman, kommunal xidmətlər və gündəlik tələbat mallarının qiymətləri artmaqda davam edir. İnsanların yaşayış xərcləri ildən-ilə yüksəlir. Digər sosial ödənişlərin artırılması istiqamətində addımlar atıldığı halda, müharibə veteranlarına https://www.facebook.com/share/p/1ENh9PZym1/

Rövşən Qazi.

Open In TikTok:

Region: AZ

Saturday 14 November 2026 14:29:49 GMT