و دقائق قليلة كانت كفاية عشان شيخ مصري بسيط يبكي لجنة تحکیم برنامج «دولة التلاوة» ووزير الأوقاف. بص معايا على الحكاية الإنسانية المؤثرة للشيخ عوض الفردي اللي خطف قلوب الملايين. القصة بدأت من سنين طويلة في قرية «كوم القناطر» بمحافظة البحيرة طفل يتيم اسمه عوض بدأ يحفظ كلام ربنا وعمره 6 سنين بس، ورغم شغله الشاق في الزراعة وظروف حياته الصعبة القرآن كان هو رفيقه الأول. السنين عدت، والطفل الصغير بقى شيخ جليل بيعلم أجيال ورا أجيال، ووصل لمرحلة إنه بيختم المصحف الشريف مرة كل يومين. لكن اللحظة الفارقة كانت لما وقف قدام لجنة تحكيم برنامج دولة التلاوة»؛ الشيخ قال بتلقائية وبساطة إنه من كتر فرحته بالمشاركة ما عرفش ينام يومين كاملين. وبمجرد ما بدأ يتلو آيات الذكر الحكيم، القاعة كلها سكتت والدموع نزلت من عيون الحاضرين ولجنة التحكيم. وزير الأوقاف الدكتور أسامة الأزهري ما قدرش يخفي انبهاره وقال للشيخ جمال على جمال ونور على نور»، وقام من مكانه مخصوص عشان يحضنه. أما الداعية مصطفى حسني، فدموعه سبقته، وطلع على المسرح وباس إيد الشيخ ورأسه وطلب منه يدعيله. والقارئ الشيخ طه النعماني أشاد بأدائه المبهر، وكشف مفاجأة أذهلت الكل، وهي إن الشيخ عوض سبق طفل وشاب في تحدي تسميع فهرس المصحف بدقة مذهلة. وفي ختام المشهد المؤثر ده، وزير الأوقاف أعلن تكريم الشيخ عوض الفردي، وقرر تعيينه ضيف شرف دائم في البرنامج تقديرا لمسيرته وعطائه. حكاية بتثبت إن البركة والعطاء وحب القرآن ملهمش سن... تفتكروا إيه أكثر لقطة أثرت فيكم في ظهور الشيخ عوض الفردي ؟ #دولة_التلاوة #مصر #اكسبلور - @user7598168772040