@agayewa.official: ŞƏHİD SABİR SALAHOV HİKMƏT OĞLU 15 avqust 1999-cu ildə Salyan rayonunda dünyaya göz açan Sabir Salahov 2020-ci il sentyabrın 27-də başlayan Vətən müharibəsinə ilk gündən qatıldı. O, hərbi xidmətini Ağcabədinin Qiyaməddinli kəndində yerləşən «Qartal» postunda keçmiş, daha sonra öz istəyi ilə yenidən ordu sıralarına qoşularaq Füzuli istiqamətində xidmətini davam etdirmişdi. Sabirin döyüş yolu Füzuli və Xocavənd istiqamətlərindən keçirdi. Horadizin azadlığı uğrunda gedən döyüşlərdə iştirak etmiş, döyüş yoldaşları ilə birlikdə Azərbaycan bayrağının Horadizdə dalğalanmasına töhfə vermişdi. Füzuli uğrunda gedən döyüşlərin birində yaralansa da, yenidən döyüşə qayıtmışdı. Hətta döyüş yoldaşına hörmət və ehtiram göstərərək öz hərbi geyimini şəhid olmuş silahdaşının üzərinə örtmüşdü. 5 oktyabr 2020-ci ildə Füzuli şəhərinin azadlığı uğrunda gedən döyüşlərdə, Buqra dərəsi adlanan ərazidə şəhidlik zirvəsinə ucaldı. Oktyabrın 6-da doğma Salyan torpağında dəfn edildi. Şəhadətindən sonra «Vətən uğrunda», «Füzulinin azad olunmasına görə», «Xocavəndin azad olunmasına görə» və «Cəsur döyüşçü» medalları ilə təltif edildi.Sabir, sən bu torpaq üçün sadəcə döyüşmədin, adını tarixə yazdın. Sənin kimi igidlərin sayəsində bu gün üçrəngli bayrağımız azad torpaqlarımızda dalğalanır. Bir ömür sona çatdı, amma bir qəhrəmanın adı əbədiyyətə qovuşdu. Allah bütün şəhidlərimizə rəhmət eləsin. Ruhun şad, məkanın cənnət olsun, Sabir! 🇦🇿🕊️ #şəhidim #azərbaycan #məkaninizcənnətolsun🥀😔 #şəhidqardaşım #allahrəhməteləsin🥀

🌛𝓽𝓪𝓬

Open In TikTok:

Region: AZ

Saturday 14 November 2026 15:05:13 GMT