@agayewa.official: 🇦🇿 AZƏRBAYCANIN MİLLİ QƏHRƏMANI HÖKUMƏ CƏLİL QIZI ƏLİYEVA 8 avqust 1991-ci ildə Kəlbəcər rayonunun Susuzluq kəndində dünyaya göz açan Hökumə Əliyevanın həyat yolu Vətən həsrəti ilə başlamışdı. Ailəsi doğma yurdlarından köçkün düşmüş, sonradan Gəncə şəhərində məskunlaşmışdı. Hökumə təhsilinə böyük önəm verirdi. Bakı Dövlət Universitetinin Hüquq fakültəsinə 612 balla qəbul olmuş, magistratura və doktorantura təhsili almışdı. 2016-cı ildən Azərbaycan Hava Yollarında çalışmağa başlamış, əvvəlcə tərcüməçi, daha sonra təyyarə bələdçisi kimi fəaliyyət göstərmişdi. 25 dekabr 2024-cü il... Həmin gün AZAL-ın Bakıdan Qroznıya uçan J2-8243 nömrəli reysi Qazaxıstanın Aktau şəhəri yaxınlığında qəzaya uğradı. Hökumə həmin təyyarənin ekipaj üzvü idi. Qəzanın son anlarında belə sərnişinləri sakitləşdirməyə çalışır, təhlükəsizlik qaydalarını xatırladırdı. Onun dillərdən düşməyən «Hər şey yaxşı olacaq!» sözləri bu gün də insanların yaddaşındadır. O, son ana qədər peşə borcuna sadiq qaldı. Sərnişinlərin həyatını xilas etmək üçün göstərdiyi şücaətə görə ölümündən sonra Azərbaycanın Milli Qəhrəmanı adına layiq görüldü. 29 dekabr 2024-cü ildə II Fəxri xiyabanda dəfn edildi. Hökumə, sən bu dünyadan sadəcə bir təyyarə bələdçisi kimi köçmədin. Sən Azərbaycan qadınının cəsarətini, iradəsini və fədakarlığını tarixə yazdın. Bir vaxtlar göylərdə sərnişinlərə «Hər şey yaxşı olacaq» deyən səs artıq eşidilmir. Amma həmin səs xalqının yaddaşında yaşayır. Sənin son uçuşun tarixə, adın isə əbədiyyətə yazıldı! Allah rəhmət eləsin, Milli Qəhrəmanımız! 🇦🇿 #höküməəliyeva #hökümə #azərbaycan #kəşfetazərbaycan

🌛𝓽𝓪𝓬

Open In TikTok:

Region: AZ

Saturday 14 November 2026 15:14:13 GMT