@rumaibikee: 🧸 «Мишка» торты ✨ Нәзік қамыр, қытырлақ безе, хош иісті жаңғақ және дәмді крем үйлескен ерекше торт! 😍 Ынталандыру үшін лайк басып, әдемі пікір қалдырып, видеоны жақындарыңызбен бөлісуді ұмытпаңыз 🥰❤️ Қамыры үшін: * 200 гр сары май * 200 гр қант * 5 дана жұмыртқаның сарысы * 200 гр қаймақ * 0,5 шай қасық сода * 1 шай қасық разрыхлитель * 350 гр шамасында ұн Безе үшін: * 5 дана жұмыртқаның ағы * 250 гр қант * 0,5 шай қасық лимон шырыны * 250 гр жаңғақ Крем үшін: * 120–150 гр варенка * 200 гр 33% сливки * 120 гр творожный сыр Дайындалу тәсілі: 1. Қамыр дайындау: Жұмсарған сары майды қантпен жақсылап араластырамыз. Жұмыртқаның сарысын қосып, тағы араластырамыз. Қаймақ, сода және разрыхлитель қосамыз. Ұнды біртіндеп салып, қолға жабыспайтын жұмсақ қамыр илейміз. 2. Безе дайындау: Жұмыртқаның ағын таза, құрғақ ыдысқа құйып, лимон шырынын қосамыз. Миксермен көпіршігенше шайқаймыз. Қантты аз-аздан қосып, қою әрі жылтыр болғанша жақсылап көпіртеміз. 3. Қабаттарды дайындау: Қамырды бірнеше бөлікке бөліп, әрқайсысын жұқалап жаямыз. Үстіне дайын безені жағып, майдаланған жаңғақ себеміз. 4. Пісіру: Алдын ала 160–170°C дейін қыздырылған пеште безесі қызарып, қамыры піскенше шамамен 20–25 минут пісіреміз. Уақыты пешке байланысты өзгеруі мүмкін. Дайын қабаттарды толық суытамыз. 5. Крем дайындау: Суық сливкиді қоюланғанша шайқаймыз. Творожный сыр мен варенка қосып, біркелкі, жұмсақ крем болғанша араластырамыз. 6. Тортты жинау: Дайын қабаттардың арасына крем жағып, бірінің үстіне бірін орналастырамыз. Торттың сыртын да креммен әрлеп, қалауыңызша жаңғақпен безендіреміз. 7. Демалдыру: Дайын тортты тоңазытқышқа кемінде 6–8 сағатқа, ең дұрысы бір түнге қоямыз. Сонда қабаттары кремге сіңіп, торт өте нәзік әрі дәмді болады! 😍 Дәмі тіл үйіреді! Міндетті түрде жасап көріңіздер! ❤️

rumaibikee

Open In TikTok:

Region: KZ

Saturday 14 November 2026 15:33:20 GMT