@zelealem.official: 🌱ማንም ሰው በልኩ በሚገጥመው ፈተናና ስቃይ ውስጥ ያልፋል። ወዶና ፈልጎ ባይሆንም ግማሹ ፈተናውን ወድቆ ይገኛል፤ ሌላኛውም በጥረቱና በትጋቱ ልክ አሸንፎት፣ ተሻግሮት ይገኛል። ነገር ግን ማንም የማያውቀውን ጠላቱን ሊያሸንፈው አይችልም። የማያወቀው ችግሩንም እንዲሁ ሊፈታና ሊሻገረው አይችልም። የችግሩ መፍትሔ ግማሽ የችግሩ እውቀትና ግንዛቤ ነው። ድክመትህን ለማሻሻል የድክመትህ ምንነትና መንሰዔ በሚገባ መታወቅ ይኖርበታል። 🌱ደህንነትን ከፈለክ፣ ውስጣዊ ሰላምን፣ መረጋጋትንና ንፁህ ደስታን ከፈለክ ህመምህን እወቀው፤ ፈተናህን ተረዳው፤ ችግርህን በሚገባ ተገንዘበው። ለማታውቀው ጉዳይ መፍትሔ አፈላላጊ፣ ላልገባህ ጥያቄም አዋጭ መንገድን መጠቆም አትችልም። ስኬት፣ ተፈላጊነት፣ ልዕልና፣ ታላቅነት፣ ተዕኖ ፈጣሪነት መነሻው ምንም ሳይሆን ችግር ፈቺነት ነው፤ ከችግር ፈቺነትም አስቀድሞ ችግር አዋቂነትና ችግርን የመረዳት አቅም ነው። 🌱ምድር በማያልቁ ችግሮች የተሞላች ነች፤ ነገር ግን ያንተ ችግር ለእርሷ ምኗም አይደለም፤ አለም በለቅሶ ተሞልታለች ያንተ እንባ ግን ለእርሷ ትርጉም የለውም። ያንተ ጉዳይ ገዝፎ የሚታይህ፣ ህይወትን የሚያከብድብህ፣ ምድርን የፈተና ሜዳ የሚያደርግብህ፣ ኑሮን የሚያስወድድብህ፣ ፍላጎት በማጣት የሚያሰቃይህ አንተን ብቻ ነው። በእራስወዳድ አለም ያንተን ጉዳይ እንደራሴ የሚመለከትልኝ ሰው ይመጣል ብለህ አትጠብቅ። 🌱መቻልህን ታውቃለህ፤ ነገር ግን ችሎታህ ከመሬት ተነስቶ የሚመጣ አይደለም። ወርቅ በእሳት እንደሚፈተው በችግርህ፣ በፈተናህ፣ በስቃይህና በህመምህ ተፈትኖ የሚመጣ ነው። ተኝቶ በማለም ብቻ የበርሊን ግንብ አልተገነባም፤ በከንቱ ምኞት አባይ ግድብ አልተሰራም። ያንተም ህልም ተኝተህ ስላለምከው፣ ብቻህን ስትሆን ወደሃሳብህ ስለመጣ ብቻ ያለምንም ፈተናና ችግር እንዲሁ በቀላሉ የሚፈፀም አይደለም። ወራጅ ወንዝ እንኳን ከባህር ለመግባት ብዙ ድንጋዮችን ይወጣል ይወርዳል፣ በመጨረሻም ከባህሩ ይቀላቀላል። ያንተም ህይወት ይሔው ነው። 🌱ውጣውረድህ በህመም ምክንያት ሊመጣ ይችላል፤ መሰናክልህ በፈተና መልኩ ሊገጥምህ ይችላል። ያንተም ድርሻ ምንነቱን መረዳት፣ እራስህን ማበርታትና አምላክህን በማስቀደም አሸንፈሀው ማለፍ ነው። የሚያኮራህ ችሎታህ ከፈተና ቦሃላ የምታገኘው እንደሆነ ተረዳ። በእውቀትህ ልክ የምታልፈው ችግር ሁሌም በህይወትህ ይኖራልና ግንዛቤህን አስፋ፤ እራስህን አጠንክር፤ ለእራስህም ሆነ ለሚፈልጉህ ብለህ ጨክነህ ተጋፍጠህ እለፈው። 🌱የራስን ውስጣዊ ህመም፣ ድክመት ወይም የህይወት ፈተና በጥልቀት መረዳት ለመፍትሔው የመጀመሪያው እርምጃ ነው። 1️⃣የችግሩን ምንጭ መለየት። አንድ ሰው ለዘመናት አንገቱን ያስደፋውን፣ በራስ መተማመኑን የሸረሸረውን ወይም ወደፊት እንዳይራመድ አስሮ የያዘውን ውስጣዊ ህመም (ቁስል) ምንነትና መንስኤ በትክክል ማወቅ አለበት። 2️⃣የማንኛውም ችግር ግማሹ መፍትሔ። የችግሩን ምንነት ጠንቅቆ ማወቅ ወደ መፍትሔው የሚወስደውን ግማሽ መንገድ እንደመጓዝ ይቆጠራል። 3️⃣ለውጥና እድገት። የማያውቁትን ጠላት ማሸነፍ እንደማይቻል ሁሉ፣ ያልተረዱትን ውስጣዊ ህመም ወይም ድክመት አሻሽሎ ወደ ስኬትና ውስጣዊ ሰላም መሻገር አይቻልም። 🤌🏾ሁሉም ሰው ይማርበት ዘንድ ሸር አድርጉት🙏🏾 እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏እግዚአብሔር ብርሃኔና-መድሃኒቴ ነው።

MIND (MOMS IN NEED OF DiGNITY)

Open In TikTok:

Region: US

Saturday 14 November 2026 17:12:41 GMT