@zahraa.shour1: اسرع صينية دجاج مع الخضار 😍 ما في حدا منّا ما بحب الأكلات السهلة لي بتتحضر بنص ساعة بتكون خالصة وكيف إذا كانت صحيّة وطيبة ومليانة نكهات 😌😍 كيلو صدر دجاج مقطّع ملعقة صغيرة الملح نص ملعقة صغيرة من الفلفل الأسود ملعقة كبيرة بابريكا ملعقة كبيرة أوريغانو زيت زيتون خضار أي نوع خضرا بتحبّوا ضيفوا ولي ما بتحبّو ما تحطوه تلات بصلات حجم كبير 🧅 راس توم 🧄 فليفلة تلات ألوان 🫑 فطر 🍄🟫 وفيكون معلّب جزر تلات حبّات كبار 🥕 بطاطا حبتين كبار 🥔 بندورة 🍅 كرزية أطيب من العادي تقريبا كوب تتبيلة الخضار : كوب لبن ملعقتين كبار بابريكا ملح ملعقتين كبار أوريغانو ملعقة صغيرة فلفل أسود ملعقةصغيرة من بهار دجاج (البديل :بودرة التوم وبودرة البصل وفلفل أبيض ) ملعقتين كبار من زيت الزيتون ومنخلطهم وبصينية أكبر حجم عليها ورقة زبدة نزّلت الخضار والتتبيلة وخلطتهم كتير منيح وضفت الدجاج ونزّلت باقي الخلطة وغلّفتها كتير منيح بورقة زبدة وقصدير وعلى الفرن الحامي وعلى أوطى رف النار من تحت بتاخود من ٤٠؟لا ٤٥ دقيقة وبعدين شيلت االورق وشغّلت من الشواية لمدة خمس لا عشر دقايق وقدّمتها مع رز أبيض رز أبيض : بطنجرة فيها ملعقتين زيت نباتي نزّلت كوبين من رز البسمتي مع الملح وقلّبتهم كتير منيح وضفت تلات أكواب وربع من الماي المغلية وبس نشفت وجها عطّيتها وعد عشر دقايق حرّكتها من فوق بالشوكة وغطّيتها لمدة ٢٠دقيقة وهيك بيطلع مغلفل كل حب وأختها وهلئ خبروني حبيتو الوصفة ورح تجربوها ❤️ ما تنسو تعملو لايك وفولو لا يوصلكم كل وصفاتي الدافية ❤️#طبخ #اكلات_سريعة #وصفات_سهله #اكسبلورexplore